張崇德車尾被貨車撞至嚴重凹陷 揸車送二仔考公開試劉美娟開工

歌手張崇德尋日揸車送16歲二仔日希往公開試時，於公路被後面貨車撞尾。雖然佢嘅座駕嚴重損毀，不過佢同仔仔都就冇受傷，真係不幸中之大幸。

同場加映：中年好聲音丨彭家麗被參賽者感染重燃鬥志 硬頸拒走捷徑：活著已經好感恩

{{hket:ul-video id="8360"}}{{/hket:ul-video}}

張崇德上載咗佢嘅車禍嘅相去社交平台，相中見佢座駕車尾位置被撞到嚴重凹陷，車尾及車側最後一扇窗的玻璃碎晒，狀甚恐怖。張崇德有未透露佢同仔仔有冇受傷，只係留言︰「意外真的是避無可避的！要不是要車我個仔去考公開試，就不會在這個時段行這條路了...... #交通意外 #最怕遇到不知所謂的貨車司機 #天氣不似預期」

{{hket:inline-image name="312135170_3404391866550383_2383309462781259974_n.jpg"}}{{/hket:inline-image}}

另一邊，張崇德太太劉美娟正參與拍攝ViuTV新劇《法與情》，日前佢都正係努力拍劇中，仲要冇冷氣下帶頭套飾演法官，都咪話唔辛苦。今日佢就Post出同劇謝安琪嘅fans請佢哋食嘅應援午餐，開劇氣氛好和諧。之後佢就repost老公嘅車禍帖文，交代老公同仔仔都無恙，留言：「感恩老公和仔仔無事。」

劉美娟與張崇德經常都遇上不幸事件，二人婚後4年誕下大仔張天藍，但兒子出生後不足26小時夭折，之後仲經歷多年醫療訴訟為大仔取回公道，非常折磨。張崇德夫婦2007年及2008年再誕下一子一女，但可惜子女先後患有罕見選擇性「失語症」，他們在學校時雙手變得僵硬、面紅，不敢說話。劉美娟與張崇德帶仔女去見心理醫生，發現女兒只是到學校門口時才不說話，但其實相當有語言天份，幸好她在轉校後已經康復，而兒子病情卻較為嚴重，被診斷為高智力但不懂表達、與別人溝通，所以經常被人欺負。劉美娟夫婦花盡心思照顧一對仔女，現時佢哋已經康復，二人不時post出全家福，一家四口幸福美滿！

圖片來源：Instagram