Jeffrey親生哥哥首次曝光基因AA+ 荷蘭混血高大靚仔 成熟味贏細佬

神顏Jeffrey魏浚笙近年火速上位，除咗五官比例完美地靚仔之外，歌影視多棲嘅佢都表現出色，私下仲係情深男加乖乖仔，俘虜咗老中青嘅心！Jeffrey曾經Post出媽媽嘅舊照，當時大家已經大讚佢媽媽有明星相，基因優良！昨日佢仲post出從未曝光嘅親生哥哥，除咗同佢一樣咁靚仔之外，仲多一份成熟味道，全家都咁靚，真係畀佢玩晒！

同場加映：林明禎生日狂收BLACKPINK Lisa禮物 願紆尊降貴為偶像打雜做阿四

{{hket:ul-video id="8377"}}{{/hket:ul-video}}

Jeffrey日前喺社交平台透露自己去咗歐洲，仲post咗唔少靚仔打卡相。原來尋日Jeffrey去到荷蘭搵4年冇見嘅哥哥，佢仲首次post出同哥哥嘅影片去到限時動態，Jeffrey留言：「快4年沒見的親生哥哥，Happy birthday！」，另外又表示：「Good to be home.」片中見到Jeffrey哥哥同佢一樣有model身形，戴上太陽眼鏡嘅佢同樣星味濃。之後，Jeffrey同哥哥一齊坐地鐵，兩兄弟冇對話，但就首次清楚見到哥哥嘅真樣，同Jeffrey一樣五官深邃，仲多一份成熟男人味，有幾分似瘦版許廷鏗，非常靚仔！

{{hket:inline-image name="312752426_842337856796097_398667676171532928_n.jpg"}}{{/hket:inline-image}}

Jeffrey拍處女劇《I SWIM》時飾演中學生要脫胸毛，因為佢家族有荷蘭同印尼血統，身為混血兒嘅佢除咗靚仔啲之外，體毛亦特別旺盛。Jeffrey非常乖巧，同家人的感情亦好好，與哥哥關係很融洽，二人經常分享心事，但就話哥哥建議唔啱用，平時聽完就算。Jeffrey於香港公開大學修讀工商管理課程，本身已經有晒入行條件嘅佢，聽家人意見畢業後先正式加入ViuTV，加入不久後工作機會不斷。

Jeffrey曾爆爸爸管教嚴厲，會畀爸爸用藤條打，不過話自己好聰明，每次被打的時候都會「交足戲」扮痛，減輕令爸爸打佢嘅力度。Jeffrey父母在喺Jeffrey中三時就離咗婚，之後佢同哥哥以及媽媽生活，但每星期都繼續與爸爸見面。Jeffrey曾表示父母離婚對自己冇影響，反而覺得爸爸搬走後，冇人再打自己生活變得輕鬆。但他亦有為爸爸澄清，爸爸自從信教後平和很多，開始以德服人，當他長大後，爸爸更成為他的人生導師。

圖片來源：Instagram