抽水荷里活廣場慘案丨林作被解僱拒道歉 「尋晚係我瞓得最好嘅一晚」

麥明詩前男友林作一向自命作風大膽，咩事都拎嚟抽水，不過日前佢就抽水抽着火水。日前荷里活廣場發生謀殺慘案，林作就抽水放售「荷里活廣場殺案疑犯同款波鞋」，加埋自己嘅上身圖，立即遭到全城圍剿佢道德淪喪，而佢任職嘅保險公司更同佢終止合約。不過林作堅稱自己冇後悔亦拒絕道歉，今日仲高調開記者會交代事件。

同場加映：中年好聲音丨彭家麗被參賽者感染重燃鬥志 硬頸拒走捷徑：活著已經好感恩

{{hket:ul-video id="8360"}}{{/hket:ul-video}}

林作6月3日下午發文：「林作直播帶貨，今日下午4點正兼道歉大會」，雖然圖字寫是道歉大會，但他就強調：「不是道歉，而是辯論大會。不服來辯！4點見」不過隨後又刪post。再發文指「6月5日下午，在某地點舉行記者會，簡單交代事件。本人將會第一身交代最新進展。」

林作在律師David陪同下，在其位於中環半山寓開記者招待會，佢神情輕鬆，講到「噚晚係我瞓得最好嘅一晚」。林作一開始便列出三點聲明：

1.事件上未任何客戶受到影響。

2.林作旗下有80名保險從業員，指不存在其他人「割蓆」，係佢要求從業員繼續留守，因為要對客戶忠誠及盡忠職守。

3.林作稱有非常多客戶24小時內向佢前公司作出投訴，要求解釋點解公司為何要將客戶利益，放在網民之下，認為網民的指控是「莫名其妙、極端」及涉及恐嚇字眼。

{{hket:inline-image name="13.jpeg"}}{{/hket:inline-image}}

之後林作反駁前公司指佢違反守則，佢表示：「違反社交媒體守則? 講唔通，過去幾年小弟抽火水事件不少，有傳媒統計過去一年都有成七單抽水事件，無論抽死人水、DNA水，都有不同程度發生，但呢啲未視為任何問題。今日同樣地兼冇違反專業操守下，我係唔同意公司。第二樣，我極度唔同意，雖然我會向佢要求攞出更多解釋，話我同該公司嘅價值觀背道而馳，我中文唔太好，背道而馳即係反轉、掉反轉嘅意思，呢個罪名不能接受。呢個係公司不尋常舉動，如果你咁大間公司有咁嘅言論，我無名小都要保護自己，我唔同意呢個講法，如果講價值觀背道而馳係好嚴重指控，佢善良我就邪惡等等。公司要畀交代呢個言論咩意思，否則會影響到我之後工作。我哋會以書面覆返公司，有進一步消息再同大家講。」

林作多次強調自己冇道歉嘅意欲同必要：「呢件事我冇任何道歉意願，言論自由喺今日今日嘅香港更加值得保護，好多人未必同意我講法，但絕對維護我講嘢嘅權利。呢樣嘢我一定要維護到。預告嚟緊絕對有下一步行動，對住我採取咁嘅策略，無論公關上、管理上都未必係好嘅做法。打就企定，最多逃跑，我唔會參戰。我非常認為如果兩個死者（家屬）呢刻，為我嘅言論感到悲傷，我就太大影響力。我相信死者家人而家係好傷心，如果佢哋需要我幫助，一定會為佢哋發聲。」不過佢就講到如果係死者家屬要求佢道歉，佢就一定道歉：「我一直咁諗，唔特別出Post去講R.I.P.，唔代表冇同理心、同情人，掉轉往往只係刷存在感，我出過好多Post，包括叫政府正視精神病患者，但冇人留意，冇人睇得明我嘅黑色幽默。我認為呢件事唔應該剩係專注兩家人感受，要專注全港人，全港人個悲傷更多人來自恐懼，只有面對而唔係避談，先可以放低恐懼。舉例，我唔同意有慈善組織或官員出嚟話停止傳播片段，我唔認為逃避唔講唔傾係面對呢件事嘅做法。」

佢又表示先自己真人同網絡上唔同，唔係冇同理心：「好多人知我真實係點，同藝人喺人面前一樣，只係一個人設，甚至公司。如果濫用言論自由，應該係有刑事上；如果道德上，表面我可能樣衰衰，實際上係好人，我相周圍眼光係雪亮。」

對於舊愛麥明詩對佢被解僱畀like，林作就話：「掉轉佢有單嘢，我唔會作出任何回應，雖然分手不是朋友，但應該保護對方。聽講佢畀完又收like，我冇特別諗法，亦冇特別感覺。」林作又話雖然佢唔後悔自己言論，但會檢視自己抽水嘅角度：「我唔會為任何言論後悔，只會視為人生經歷。我唔係一個只顧自己嘅人，不識得去談判、妥協嘅人，呢個唔係我，係非常好同容易被說服，只係有自己諗法同理念。」

記者問到佢有冇咩想向家屬講，佢就問非所答話：「呢件事反映我哋香港社會人有好多壓力，未必係一批，但政府應該多關注有精神壓力嘅人，正視呢個問題，加大力度改善，一個都嫌太多，如果我能令社會關注我係十分願意。」

圖片來源：《晴報》圖片