台友情緣的歲月︳79歲馮淬帆計劃拍遺作齋做導演 曾火滾向TVB股東家屬潑糖被炒

資深製作人楊紹鴻全新製作的節目《台友情緣的歲月》，今晚（3日）在YouTube「Channel Gary Yeung」內播出，第一集嘉賓是他視為恩師的馮淬帆。節目內容圍繞馮淬帆昔日在電視圈的點滴及近況，年尾便80歲的他透露想趁身體健康時拍一套「遺作」，但未必會自導自演。

同場加映：

炎明熹被問事業線：我唔知我有冇 陳凱琳爆囝囝冇聽鄭嘉穎啲歌

{{hket:ul-video id="8331"}}{{/hket:ul-video}}

{{hket:inline-image name="06023001.jpg"}}{{/hket:inline-image}}

{{hket:inline-image name="12021003.jpg"}}{{/hket:inline-image}}

馮淬帆在娛樂圈打滾多年，曾效力無綫、亞視及佳視三間電視台，任職演員、導演、監製及高層。馮淬帆重提早年在無綫被「炒魷魚」，他說：「係我喺TVB發明拍外景，因為鍾景輝先生冇電影嘅感覺，後來佢將我升做導演，做咗一年左右被TVB所謂『炒魷魚』，但我係唔認，係我自己唔做，件事好多人都知。當時喺餐廳食飯時有個鬼仔過嚟搞我，我記得我搵糖潑佢，嗰個鬼仔真係好乞人憎！但原來佢係股東嘅屋企人，阿King（鍾景輝）就話冇辦法幫到我，唔知對方係股東嘅孫定仔，話一定要炒我，咁我就話好呀！我辭職，咁到底係邊個啱都唔知。」

台友情緣的歲月︳楊紹鴻新節目獨欠金超群感遺憾 包大人17年開腦後深居簡出【下一頁】

談到花名「阿緊」是因為工作時太過緊張，馮淬帆表示：「嗰啲唔係叫好緊張，係叫認真，冇見過我拍戲會好趕時間嘅，我係好有計劃，係好認真冇緊張，就因為好認真變得好大脾氣。（你在場冇人敢唔睇劇本）可能係啦！我拍戲係冇得傾，最好朋友都反面，私下同我越老友越死得慘，如果係我老友，亂嚟嗰陣唔鬧你咁又點得，啲人會點睇？」他分享認真做事的例子，身為電視台高層的他去巡廠時，發現一班演員在嬉戲，於是在控製室開咪叫他們尊重自己，之後全場便靜下來。

（↓點擊放大睇圖片↓）

馮淬帆幕前幕後皆出色，有份主演的電影《福星》系列至今為人津津樂道。他自己卻另有睇法，「我最鍾意嗰啲就冇人記得！就係我做演員嘅《癲佬正傳》，同埋我導演嘅《愛的逃兵》，但觀眾都係記得我做嘅喜劇，即係話我唔識做戲？剩係識做喜劇？（在台灣忙咩工作？）呢個年紀半退休，疫情時香港仲有人搵我拍電影，最後一套叫《老笠》。成日諗一個人要有遺作，自己導演比較鍾意啲嘅戲。（會拍咩題材？）好難講，真係準備時先會知，又唔輪到你話唔睇市場，唔係就拍畀自己睇啦！主要係唔想拍喜劇，可能唔一定係我演，呢個仲未好深入去諗，身體仲可以就拍呢套戲。」重申現時心態寧願做好乞人憎、好恐怖嘅角色，好過拍古靈精怪嘅喜劇。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】