香江暖流｜ 陳敏兒指廖啟智離世成一生傷痛 與哀傷並存：做人生教練助同路人

廖啟智（智叔）在前年3月不敵胃癌離世，終年67歲。陳敏兒在丈夫離世後堅強面對生活，成為不少人的人生教練。陳敏兒早前接受香港電台第五台《香江暖流》主持人陳永業、袁梓珮的訪問，她認為「要療癒別人，必先療癒自己」，希望藉著自己走出傷痛的經歷，陪伴其他同路人一同走出黑暗。

同場加映：

一舞傾城丨姚子羚認「表哥」長大了難演青澀角色 視網民為老友無懼遭惡搞

{{hket:ul-video id="8302"}}{{/hket:ul-video}}

智叔離開有兩年多的時間，陳敏兒表示這是她一生無法磨滅的傷痛，她選擇堅強面對，說：「智叔離去呢個傷口永遠都喺度，一個同我咁親密嘅人真係離開咗我，好似冇咗身體某部分，喺我生命離開咗...係事實，呢一份失去係永遠都存在，呢份傷痛係會跟我一生一世，不過影響我幾多係可以調節，可以同哀傷並存，佢係唔影響我日常生活。」

{{hket:inline-image name="87.jpeg"}}{{/hket:inline-image}}

陳敏兒指在另一個角度來說，這份傷痛是健康的，「人唔傷心就唔流淚，人有愛先會傷心，每一次傷心，都係代表我同對方有種愛意，越愛得深，就會有越多傷心。」她憶述2006年，幼子廖文諾因血癌去世，「每一次傷痛都係好獨特，甚至覺得我接受阿仔死亡嘅能力係大過丈夫離世...嗰時我用兩年時間慢慢接受到個仔有病，到佢離世前都有心理準備。而兩年前智叔係忽然之間...佢識行識走，仲跑山，跑完之後話唔舒服，睇完醫生，又突然話係末期，仲要係末中之末，真係晴天霹靂...接納係一啲都唔容易！」

{{hket:inline-image name="101_600_600_600.jpg"}}{{/hket:inline-image}}

被稱是「喊包」的她馬上要堅強起來，「當時智叔被告知仲有個幾月壽命，真係有唔能夠接受死亡嘅焦慮，而我作為一個照顧者更加唔可以驚，要陪伴佢。」她續指智叔有好多遺願想完成，「佢仲想力挽狂瀾，仲有遺憾，要解開心結先釋然面對佢嘅死亡。」

縱然經歷過不少低潮時期，陳敏兒一直十分正面，甚至成為人生教練，做善別輔導，幫助同路人。她形容這份工作有如充當別人的明燈，十分有意義，說︰「人喺生命裡面會經歷好多挑戰同困難，做人一啲都唔簡單，喺唔容易中，都學咗好多嘢，亦都知道如果身邊有個教練喺度，會行少好多冤枉路。」

問到人生教練工作內容？陳敏兒說需要按照當事人情況，「人生入面遇到困難，佢自己都諗唔到點做。我哋好相信每個人心入面都有資源，有能力自己幫自己。有時係不自知，我哋嘅責任係陪伴，唔會畀答案，陪伴探索。每個人都係解決自己問題最好嘅專家，而唔係教練。」

陳敏兒主力輔導喪親嘅朋友，做善別輔導，「佢哋所愛嘅人離開咗，情緒困住咗，冇辦法走出嚟，佢需要一啲人去幫佢。唔係好多人需要善別輔導，我哋係有自癒能力。有人可能仲有啲執著嘅位，有盲點，呢個時候需要一啲專業嘅輔導員幫吓佢。」

{{hket:inline-image name="8970.jpeg"}}{{/hket:inline-image}}

主持人問到她，曾經歷過好多唔開心嘅事，在輔導別人時會唔會諗番起，令自己情緒波動？陳敏兒坦言：「實在都有呢啲情況出現...但呢啲情況唔多，因為輔導員要先療癒自己，佢先可以幫助別人。自己變成過來人，見到佢哋遇上種種問題，『我都經歷過』，先可以陪佢一齊行。唔排除自己冇處理得到嘅傷痛，咁就可以用嚟提醒自己，需要用時間去療癒。」

21克公寓丨廖啟智突被告知只剩1個月命 陳敏兒讚積極抗癌：佢想睇個仔婚禮【下一頁】

撰文：娛樂姐