隱門︳黃子恆演衰格老公稱後悔娶黃智雯 頻演渣男：早知角色唔討好唔抵幫

黃子恆繼上齣《隱形戰隊》飾演雙重人格的炸彈狂魔後，現正播放的《隱門》又繼續做「反派」，飾演女主角黃智雯的衰格老公Mike，首集出場堅持唔聽老婆電話，盡顯人物自私一面，被網友鬧爆「衰到貼地」；昨晚（5月31日）一集得知另一半是「賊王女兒」後，他當場反面大叫：「有冇搞錯呀？早知你係賊王個女，我就唔娶你啦！」完全無追問老婆背後原因，相當之涼薄。

同場加映：

炎明熹被問事業線：我唔知我有冇 陳凱琳爆囝囝冇聽鄭嘉穎啲歌

{{hket:ul-video id="8331"}}{{/hket:ul-video}}

{{hket:inline-image name="06012002.jpg"}}{{/hket:inline-image}}

{{hket:inline-image name="YUS_3168.JPG"}}{{/hket:inline-image}}

其實黃子恆也曾經在《包青天再起風雲》飾演不認糟糠的陳世美，加上現實生活捲入桃色事件，其「渣男」印象可謂深入民心。對於這次再做「反派」，黃子恆坦言過往涉獵不同角色，《隱門》這類衰老公人物卻是第一次演出，說︰「唔好話觀眾想打呢個衰老公，我自己睇劇本都覺得呢個人唔抵幫！有啲對白真係幾自私，又孤寒。呢方面編劇應記一功，好短時間之內用有限嘅對白同情節，將個角色立體塑造出嚟。」他同黃智雯並不是第一次合作，笑言上次拍《降魔的》時負責欺負對方。

隱門丨童年版黃智雯爆喊真眼淚獲讚賞 11歲鍾嘉佑讀名校鍾意唱歌跳舞【下一頁】

提到《隱門》衰格老公Mike一角，對白頗涼薄，黃子恆認為最重要是觀眾睇得過癮，「我講對白都冇乜顧慮，都知呢個角色一定唔討好。每個角色有唔同功能，既然方向係咁，我咪全心全意去做，最緊要觀眾睇完有反應。」而扮演Mike的媽媽，惡家婆的盧宛茵，同樣惹人討厭，網友大讚她入型入格。

（↓點擊放大睇圖片↓）

黃智雯的角色要同時面對衰老竇、衰老公及衰奶奶的連環逼迫，配合劇情需要，經常苦口苦臉，她笑言壓力爆煲，整個人變得「生人勿近」，稱︰「Luna呢個角色一直唔可以坦率面對身邊人，身心靈又受到好大壓抑同威脅，其實係好痛苦。自己拍嗰時都放鬆唔到條橡筋，幕後工作人員話拍嗰時唔敢行埋嚟我身邊！」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】