陳鍵鋒加國被捕獲驚變肉面飛龍 捲潛水學員溺斃風波神隱多時

現年45歲嘅陳鍵鋒2010年約滿TVB後轉戰內地發展，之後又因受腦血管遺傳病影響，淡出演藝圈，一度轉行做潛水教練。2021年佢捲入潛水學員溺斃事件風波而神隱，更搬屋避世，好少分享近況，非常低調。不過日前就有網民於加拿大多倫多機場野生捕獲陳鍵鋒，相中見到佢發福唔少，睇嚟唔做藝人真係冇晒偶包！

同場加映：

炎明熹被問事業線：我唔知我有冇 陳凱琳爆囝囝冇聽鄭嘉穎啲歌

{{hket:ul-video id="8331"}}{{/hket:ul-video}}

年頭陳鍵鋒同著名填詞人黃偉文合照，當時二人都面紅紅，陳鍵鋒擺pose遮肉，都唔係好睇得清楚佢個樣。而最新圖片中所見，陳鍵鋒獨自坐喺餐廳中，正低頭玩電話，留意唔到有人影佢。陳鍵鋒染咗一頭金髮，身材明顯發福不少，頸背都好厚肉，而且未有剃鬚，同過往青靚白淨形象相差甚遠，真係爭少少認佢唔到。

{{hket:inline-image name="1c80ae3e1d3601df4572550a8fb9da4e.jpg"}}{{/hket:inline-image}}

早年北上發展嘅陳鍵鋒曾參演《美人心計》、《亂世佳人》、《封神英雄榜》等劇集，溫文爾雅形象深受內地觀眾歡迎。約4年前佢發現自己有腦血管遺傳病，萌生淡出娛樂圈的念頭，更報讀為期4年的美國芝加哥遙距神學學士課程。擁有獨木舟、聾人手語、幼兒護理、潛水牌等幾十個技能等級證書嘅陳鍵鋒一度轉行教潛水，但2021年6月一名男士於西貢學潛水溺斃，佢亦牽涉其中，事後甚至搬離寓所避世多時。

2019年煞科，由陳鍵鋒、郭雪芙主演嘅網絡電影《新包青天之冰魄》於今年年初內地上畫，戲中佢化身皮膚黝黑，身形圓潤嘅包拯，相當敬業。近年佢暫停演藝工作，深居簡出，似乎亦唔打算重返幕前，未有再刻意維持身形及外貌。

撰文︰娛樂組