天氣熱叫姜糖唔好等門口丨姜濤認唔成熟曾主動要求入雪櫃 重睇叱咤演出：真係捱足三分鐘

姜濤為新歌《Dummy》到商台接受訪問，再次重遇曾經在個人FB笑嘲他「集體強姦張國榮作品」的梁文禮，不過姜濤完全沒有介懷，更首次剖白在叱咤頒獎禮演出失準後，自己近半年情緒低調的心路歷程。姜濤坦言叱咤頒獎禮之後，曾打算沉澱一下不出歌一年，更考慮過拒絕辦個人演唱會，向公司提出要求雪藏，幸好最終轉念，推出自嘲歌曲令自己完全釋懷。

同場加映：炎明熹被問事業線：我唔知我有冇 陳凱琳爆囝囝冇聽鄭嘉穎啲歌

{{hket:ul-video id="8331"}}{{/hket:ul-video}}

DUMMY｜姜濤推自嘲新歌搵偶像排舞師編舞 「有人鬧有人話都好過冇人留意」【下一頁】

{{hket:inline-image name="346084817_1397402934432526_3082944222434596395_n.jpg"}}{{/hket:inline-image}}

姜濤表示《Dummy》這首歌是「插班生」，原本叱咤頒獎禮前已經錄製好一些歌曲，不過發生1月1日叱咤頒獎禮事件後，打算安靜一年不再出歌，後來聽到這首歌DEMO之後反而想自嘲一下。主持人謝茜嘉問叱咤事件對他影響很大？他說：「話冇影響就一定係假，好彩好快咁調節自己，（落台後唔滿意？）通常一落台我就睇番演出，已經知道有啲唔對路，冇諗過之後報道係海量，呢個都算係入行呢五年來比較Deep（沉重）嘅一段時期。」

姜濤表示事後選擇沉靜一段時間，MIRROR兄弟之間沒有多提，扮冇事跟大家相處，無聲的關心反而更好。至於公司高層，姜濤說：「全部都冇，佢哋知道我性格係唔需要人哋講啲乜，而且習慣咗有咩問題係收埋自己先，（4月西九騷之前係沉澱期？）嗰段期間成日都跑山，同公司講不如停一陣先，『不如你哋雪我啦』咁，希望有段時間去思考番自己，前幾年真係衝太快，太多嘢太快得到，好容易迷失，我覺得上天安排畀我靜下。」他表示約2至3月期間收到經理人花姐（黃慧君）的通知，將會舉辦個人演唱會和為西九音樂會演出，「我有諗過要唔要拒絕呢，但又覺得唔應該逃避呢件事，所以西九音樂會決定拎晒自己學識嘅嘢去博一次，其他咩都未確定，但我第一時間確定要唱番《鏡中鏡》呢隻歌，就算大家拎嚟笑唔緊要，我唔想逃避呢隻自己『生』出嚟嘅歌。」他形容該次表演是人生中最重要的一次，刻意編排不講任何說話，貫徹自己「用作品說話」的原則。

姜濤以往都緊張自己的演出，但叱咤的表演一直都不敢重溫，「我隔咗個幾月都冇睇自己表演，真係唔夠膽睇，後來掟起心肝，用屋企電視好近去睇，我一定要搞清楚發生咩事，唔可以逃避。平時有本簿仔寫低每次表演好同唔好嘅嘢，因為歌手表演當下好主觀，但脫離表演當下要好客觀，於是我開電視睇捱過三分鐘，我同大家一樣都好難捱，真係好難捱。（簿仔記低咩？）減肥先囉，其他缺點講唔晒，但我自問冇後悔做呢個表演，做歌手係表達當下情緒，但的確用咗唔成熟、脫離表演本質嘅一種方式去做。」

姜濤近距離追星後台做小豬伴舞 不忘姜糖：終於知道你們的感覺【下一頁】

叱咤頒獎禮當日乃姜濤腳傷後復出的第一戰，他直言自己心急，就算醫生禁止做運動，他出院後照樣落街跑步，「呢件事真係好白癡，所以（康復）效果唔好。」他透露其實韌帶斷裂已經有5至6年，醫生起初以為只是裂痕，但開刀才發現非常嚴重，最終要將軟骨和碎骨清除，「醫生話可能之後都未必跳到舞，當時真係好唔樂觀！所以表演當日，真係想證明畀大家知我OK！」幸好，姜濤的腳經多次注射血清後，復原得非常快。

今次《Dummy》，姜濤花了大約三、四個月時間去磨練，除了編曲同唱法外，姜濤特別邀請以前學校中文老師全程監視他的咬字，「我覺得咬字清楚係基本，係我平時做唔好啫，所以唔使讚我進步。」他表示在歌曲中的大笑，錄製時一Take過，但笑到盡頭自己都莫名難過眼濕濕，「我而家釋懷呀喇，亦冇後悔嗰次表演，每件事都有兩面，唔好嘅事睇到背後的意義，都可能成為一件好事。」他亦在節目尾聲透露MIRROR快將有團歌推出。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組