愛回家丨「賈名媛」邱芷微急口令戲獲讚 自嘲黐線婆日夜不停練

邱芷微（Chelffy）在無綫《愛回家之開心速遞》飾演賈名媛，日前播出賈名媛講急口令的戲份，當時獲池富（王俊棠 飾）拍掌大讚：「講得好，字字鏗鏘，擲地有聲。」而一眾網民亦對她讚口不絕。

同場加映：炎明熹被問事業線：我唔知我有冇 陳凱琳爆囝囝冇聽鄭嘉穎啲歌

{{hket:ul-video id="8331"}}{{/hket:ul-video}}

{{hket:inline-image name="8.jpg"}}{{/hket:inline-image}}

{{hket:inline-image name="5.jpeg"}}{{/hket:inline-image}}

Chelffy在社交平台分享事前練習的片段，她說：「呢場戲係拍之前一個禮拜先收到劇本，當我睇到有急口令場口都心知唔容易，你叫我普通玩就容易，但要做埋戲就唔容易㗎喇！短短幾句急口令，雖然要記熟唔難，但要加上動作表情同聲線運用就需要花時間練習，起碼要做到所有嘢加埋都唔甩，仲要收放自如。因為當時唔清楚拍嘅時候，導演需要咩速度同語氣，所以當我練習嘅時候每種速度同演繹方式都有練習同研究。」

愛回家丨賈名媛拍劇珠光寶氣有苦自己知 邱芷微：類風濕關節炎唔係老人病【下一頁】

{{hket:inline-image name="6.jpeg"}}{{/hket:inline-image}}

{{hket:inline-image name="12432452.JPG"}}{{/hket:inline-image}}

{{hket:inline-image name="9.jpg"}}{{/hket:inline-image}}

由於Chelffy日練夜練，搞到男友陳志忠（Wilson），以及她的藝術學院的師生都識得唸，Chelffy笑說：「我真係好似黐線婆咁個口日練夜練，因為我想練到個腦唔使諗都講到，佢哋聽到就梗係好奇我講乜。我冇諗過學生及家長都好投入地玩呢段急口令，甚至開始挑戰其他急口令。」

【患難見真情】「賈名媛」邱芷微男友患癌切胃保命 體重暴跌10kg身體虛弱婚期受阻【下一頁】

{{hket:inline-image name="7.jpeg"}}{{/hket:inline-image}}

對於有網民嫌飾演Lisa的姜麗文（Lesley）在全劇演出的口音好煩厭，更將兩人作比較，Chelffy說：「其實佢要用呢啲聲線做戲都唔容易，我真係試過。因為呢集劇情去到最後講我唔覺意學咗Lisa講嘢，雖然得一句對白要學佢講嘢，但其實要諗點樣講得唔正，甚至要練習捲脷都唔容易。因為唔同國籍講廣東話唔正嘅口音都有唔同。喺現場我亦都有向Lesley請教，所以我覺得佢一直以來的演出都非常用心，是一個好演員，值得讚賞。」

{{hket:inline-image name="t7676798.JPG"}}{{/hket:inline-image}}

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】