龍婷丁文俊情侶檔合唱《萬水千山縱橫》 MV棄談情說愛全黑上陣「劈友」

《中年好聲音》緋聞情侶龍婷和丁文俊，昨晚在電視城古裝街為無綫外購劇集《天龍八部》主題曲《萬水千山縱橫》拍攝 MV，兩人以全黑打扮上陣，有型有款。

同場加映：炎明熹被問事業線：我唔知我有冇 陳凱琳爆囝囝冇聽鄭嘉穎啲歌

{{hket:ul-video id="8331"}}{{/hket:ul-video}}

龍婷表示今次是他們首個MV，亦首次在戶外的30多度高溫下拍攝MV，她笑言：「都幾刺激，佢哋話最刺激係啲蚊，雖然我著咗長衫長褲，又噴咗蚊怕水，但件衫有窿，啲蚊就有機可乘。」

{{hket:inline-image name="DSC_0847.JPG"}}{{/hket:inline-image}}

而兩人有機會以情侶檔合唱，龍婷不諱言是看中他們是緋聞情侶，「我哋之前合唱《因為愛情》、《選擇》都係談情，今次就係劈友，同埋之前我哋喺紅白騷合唱咗一首《問誰領風騷》，公司話我哋把聲好夾，所以先至有機會唱呢隻主題曲。」

{{hket:inline-image name="DSC_0831.JPG"}}{{/hket:inline-image}}

問二人是否想擁有屬於自己的歌？龍婷表示：「歌好聽就OK，新同舊唔緊要，最重要入屋。（一齊登台搵真銀？）梗係想，呢隻歌係好開始。」另外，兩人透露跟無綫是經理人合約，亦盼望有機會簽約唱片公司，成為歌視雙棲藝人，龍婷坦言恨拍劇，「我願意去學，只要導演覺得適合，任何角色都可以嘗試。」

{{hket:inline-image name="DSC_0857.JPG"}}{{/hket:inline-image}}

丁文俊亦心郁郁想一嘗拍劇滋味，「我覺得幾好玩，原本以為今次拍MV會著古裝衫同吊威吔，我細個睇好多無綫武俠劇，印象中《天龍八部》係梁家仁飾演嘅喬峰，所以唱到呢首歌覺得好神奇。」

{{hket:inline-image name="DSC_0897.JPG"}}{{/hket:inline-image}}

撰文：倪小珊

採訪：黃寶蓮

攝影：林良明