東張西望丨兄姊揭冇供養冇照顧媽媽全為錢 黃生被爆棄業權賴皮：飲醉酒簽

《東張西望》一連兩晚報道一宗家庭糾紛個案，原本一名黃先生向節目申訴，自稱由德國返港，無法跟親生媽媽見面，在主持人吳幸美、林映輝的追查之下，發覺背後另有內情。黃生的兄姊分別接受訪問，矛頭直指始作俑者是黃生本人，兄姊安排媽媽入住老人院，拒絕讓黃生見媽媽是想保護她與其財產。

同場加映：

中年好聲音丨羅啟豪放棄英國生活留港做歌手 解38年怕醜悶局：唔敢期待婚姻

{{hket:ul-video id="8269"}}{{/hket:ul-video}}

東張西望丨德國回港探媽媽遭拒呻兄姊作梗 港男搵幫手反變「爭產羅生門」？【下一頁】

{{hket:inline-image name="wong11.jpg"}}{{/hket:inline-image}}

{{hket:inline-image name="may1.jpg"}}{{/hket:inline-image}}

黃生胞姊在訪問中表示，媽媽於深圳跌倒後，需要臥床不能動彈，需要人照顧大小二便，說︰「我去深圳即時帶媽媽返香港，屯門醫院足足等10個鐘先上到急症室，我想叫佢幫吓手，唔肯幫都算！幾日都唔探媽媽，一探就同阿媽攞錢！」黃生提供片段力證媽媽斥胞姊取走她的戒指，胞姊解釋，母親入院檢查身體，才將金器除掉，同時老人院每月8萬元的費用，由她一力承擔，沒想到換來弟弟的指控，她續言：「我就算飯唔食都想媽媽住好啲，點知佢話我多餘，叫我掉佢喺屯門醫院，冇人認領政府自然有人執走佢。佢連咁嘅說話都講得出口？好！你以後唔好再嚟探阿媽！佢搞到我阿媽好癲！淨係識問阿媽攞錢！」

胞姊指弟弟黃生為開餐館向她借13萬，一去沒回頭，又用媽媽的儲蓄大飲大食。她指黃生拍片時，一直引導媽媽講及戶口財產，實在立心不良。而黃生胞兄都有接受訪問，他公開2004年黃生登報跟家人脫離關係的報紙，黃生否認此事，稱︰「唔係我登嘅，（邊個登？）我唔知，阿姨同舅父都鬧我『有冇搞錯』！你班嘢話我係咪當係囉，但我事後再登同一份報紙澄清番呢個聲名無效。（份聲名呢？）冇！呢個聲音冇法律效力，我就唔似啲有心人裝無心人，特登剪份報紙留十幾廿年，第日拎出嚟做證物。」

東張西望丨區永權能醫不自醫遭高空擲物報警 露台再有十幾粒玻璃粒從天而降【下一頁】

胞兄指黃生從來未供養過父母，從未照顧過父母，根本視家人為無物。位於福田的六層高物業，遺囑寫由兩兄弟平均分配，黃生力斥胞兄想私吞而做小動物，胞兄卻拿出證據指黃生早已簽名放棄業權。胞兄指，為了父母退休而在內地起樓養老，十幾個單位收租絕對夠生活，「每月5、6萬租金畀晒細佬，起屋當時我同阿媽講係畀你同阿爸生活嘅，不過有條件，就係你死後我會拎番層樓，咁樣公道喇啩？佢食咗30年租金，而家連間屋都想吞埋，呢張文件簽咗畀我，正常人唔會亂簽啦！」黃生透過視像竟然辯稱是「飲醉酒」的情況下簽署，「入面內容對我一啲好處都冇，如果我係清醒有腦，點會簽呢啲咁嘅嘢？」

{{hket:inline-image name="may4.jpg"}}{{/hket:inline-image}}

{{hket:inline-image name="may5.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組