陳凱琳不敢在兒子面前吃零食 爆鄭嘉穎食菜要先過水去油

陳凱琳（Grace）和吳海昕今日到尖沙咀出席護膚品活動，雖然已是三孩之母，但Grace保養得宜，皮膚又白又滑，她坦言護膚方面絕對不能懶，「做咗媽媽之後，護膚心得比以前更強，會留意係咪有細紋，同埋我一直都保持住做young mum嘅心態，任何年紀都應該要注意護膚。」

同場加映：中年好聲音丨羅啟豪放棄英國生活留港做歌手 解38年怕醜悶局：唔敢期待婚姻

{{hket:ul-video id="8269"}}{{/hket:ul-video}}

{{hket:inline-image name="DSC_9522.JPG"}}{{/hket:inline-image}}

Grace的身形十分窈窕，但她表示沒有刻意keep fit，反而著重自己和家人飲食方面的健康，「我喺三個仔面前唔可以食零食，但係自己又好鍾意食，因為佢哋一定會問，點解媽咪食得，佢哋又唔食得，所以每晚要趁佢哋瞓覺，我先可以偷偷地食甜品、蛋糕、糖同埋朱古力，其實食糖太多對皮膚唔好，偶然食少少都OK嘅。」

{{hket:inline-image name="DSC_9510.JPG"}}{{/hket:inline-image}}

Grace又表示老公鄭嘉穎在飲食方面更小心，食條菜都會先過水去油才放入口，她笑言有時被老公發現吃零食都會被提點，「老公都係我嘅營養師，但佢睇波嘅時候就會瘋狂食零食。」Grace又表示要照顧三個小朋友，因此比較難出外做運動，但追住三個仔的運動量亦相當高。

{{hket:inline-image name="DSC_9548.JPG"}}{{/hket:inline-image}}

而吳海昕則透露正準備下個月的舞台劇演出，早前更專程跟隨黃秋生上堂，「第一次喺演藝學院咁大個場地做舞台劇，其實有啲緊張，所以呢幾日都開始傾劇本。」問Grace可有戲癮？她坦言比較喜歡做主持，「我做戲又唔叻，之前同老公拍咗條片，有人問佢覺得老婆做戲做成點，佢就答同以前差不多。（覺得受打擊？）佢只係講笑，自己都明白演戲要花好多功夫同時間，就算幾好戲同有天份，都要花時間去磨練，但我暫時未有呢方面嘅時間。」

{{hket:inline-image name="b341e47a-f8ab-42a3-a3f5-be0dcee93966.jpg"}}{{/hket:inline-image}}

撰文：倪小珊

採訪：黃寶蓮

攝影：林良明