曾志偉認《真係唔好笑》反應欠理想急煞停 主持麥美恩：無寫包單一定收視好

TVB競技遊戲節目《真係唔好笑》，於4月1日起逢星期六播映，原定一共13集，但突然遭到TVB腰斬，於5月20日播出最後一集，只播出8集！其實早於去年已經傳出曾志偉看畢節目首集後有感「真係唔好笑」，欲抽起不播，千萬製作費倒水落海，但事隔一年大執之後，全輯原定13集綜藝節目終於開播，可惜最後都被硬刪。

同場加映：中年好聲音丨羅啟豪放棄英國生活留港做歌手 解38年怕醜悶局：唔敢期待婚姻

{{hket:ul-video id="8269"}}{{/hket:ul-video}}

{{hket:inline-image name="DSC_9203.JPG"}}{{/hket:inline-image}}

對於節目《真係唔好笑》傳被無綫腰斬，曾志偉解說是因為節目的時間上調動，「暫時停一停，《聲生不息寶島季》嘅時間都押後咗，因為有新節目擺番上前，所以我哋一路將節目調動。」曾志偉還表示一直有留意收視和觀眾的反應。有指節目花上千萬元製作費，但得不到理想效果，曾志偉稱：「其實好難避免，有啲拍咗冇上，冇話樣樣都百分百，我哋都諗唔到《中年好聲音》咁少資源，做出咁大嘅反應，所以都係出咗街先知反應。」

{{hket:inline-image name="DSC_9119.JPG"}}{{/hket:inline-image}}

{{hket:inline-image name="DSC_9124.JPG"}}{{/hket:inline-image}}

提到樂隊溫拿在8月舉行紅館演唱會，正式告別歌迷，無綫則為溫拿製作一個節目《溫拿50好時光》，並於6月10日晚推出。問到是否好友譚詠麟向曾志偉要求做的節目？曾志偉表示：「好多人開演唱會，或者出唱片，我哋都會做一啲特備節目，咁多年都有。咁出名嘅樂隊能夠合作咁耐，未散過，我覺得都係一個奇蹟。」

{{hket:inline-image name="DSC_9369.JPG"}}{{/hket:inline-image}}

麥美恩和馮盈盈有份主持《真係唔好笑》，麥美恩解釋是節目調動，她說：「原先已經知道先播8集，剩餘5集延至happy summer播出。」提到節目慘遭停播，她強調台前幕後會互相檢討：「我哋第一次以呢個形式拍一個真人騷遊戲節目，希望公司繼續給予機會。」麥美恩又指拍攝時抱一個嘗試的心態：「無寫包單一定收視好，希望有第2季，公司亦需要呢類節目培訓新人。」

{{hket:inline-image name="DSC_9347.JPG"}}{{/hket:inline-image}}

撰文：娛樂組

採訪：梁紹明

攝影：林良明