亞洲超星團丨無綫招募後生仔組男團撼MIRROR？ Super Tiger未夠一年慘成棄將

無綫在今個暑假，將炮製多個綜藝節目，無綫總經理（節目內容營運）曾志偉今日（22日）率領一眾藝員舉行「Happy Summer」記者會，並公布無綫將與星空華文控股有限公司聯合製作重頭節目《亞洲超星團》，在香港、內地、韓國、日本、台灣、馬來西亞、新加坡選出有活力、魅力的年輕人，打造亞洲超強跳唱偶像男團。其實藝人羅天宇、許俊豪、丘梓謙、鄒兆霆、曾展望、林俊其、魏柏豪、劉展霆、李紹堅和宋懿芳曾合組Super Tiger，在去年的年初一於無綫新春節目《恭喜發財好運來》勁歌熱舞，當時獲得不少網友大讚。其後，Super Tiger重組成7人組合，不過之後一直「冇影」！

同場加映：中年好聲音丨周吉佩人氣急升未做到仔女偶像 嘗盡人情冷暖：學識感恩同珍惜

{{hket:ul-video id="8271"}}{{/hket:ul-video}}

{{hket:inline-image name="DSC_9203.JPG"}}{{/hket:inline-image}}

{{hket:inline-image name="DSC_9217.JPG"}}{{/hket:inline-image}}

曾志偉透露節目《亞洲超星團》將在8月推出，「而家係海外招募，其實已經（喺香港）揀咗好多，我哋聯絡咗唱片公司、模特兒公司，香港30幾個，但陸續仲搵緊人，佢哋好嚴格。（有冇無綫嘅人去面試？）梗係有啦，我哋都盡量多啲係公司啲人，我哋都有推薦聲夢，但係佢哋希望喺唔同機構都有；（而家究竟係一團？兩團？三團？）好難講，要睇今年嘅質素，觀眾嘅歡迎程度。」

《愛回家》蔥頭｜丘梓謙成Super Tiger成員再惹負評 高EQ回應網民爆粗「問候」【下一頁】

至於男團會有多少位成員，曾志偉直言暫時仍未有定案，「唔知，可能有一團係4個，有一團有7個。」是否用來強撼MIRROR？曾志偉說：「其實都冇，呢個係成個亞洲，唔係淨係做香港，一嚟就已經全亞洲。（有冇年齡限制？）冇，但都唔會太大，都係後生仔。（係咪有啲已經係圈中人？）都有啲，好多都係唔同嘅經理人公司推薦，例如韓國經理人公司、韓國電視公司亦都有推薦，因為我哋喺唔同電視台都會播。」曾志偉表示選人的準則，最重要跳舞好、唱歌好，成員間的身高相若，要求嚴格，「（幾時公布入圍名單？）盡快啦，希望6月尾、7月初，其實佢哋揀咗一半，而家再揀多啲咁解。」

The First Take｜MIRROR四子帶廣東歌衝出香港 Jer笑姜濤錄音緊張變「僵濤」【下一頁】

{{hket:inline-image name="DSC_9241.JPG"}}{{/hket:inline-image}}

此外，翡翠台在周一至周五將先後推出《澳洲潮什麼》、《周遊關西》、《身體最誠實》、《好睡好起》、《請1日假去旅行》、《咁你都唔識》、《奇蹟小店》、《爸知弊！你嚟湊吖！》、《限定Super遊》等等；周六及周日則有《思家大戰》、《勁歌金榜》、《MUSIC BREAK》、《J Music》、《濠玩夏水禮》、《不可能任務》、《聲夢CLS Crazy Like Summer》；而特備大型節目就有《2023香港小姐競選》、《溫拿50好時光》、《中年好聲音夢想成真演唱會》、《中年好聲音2海選面試》。J2亦將推出《超級毛特兒大賽》、《阿媽唔信我去亞馬遜》、《DM旅導遊》和《隔山買假期》。

採訪：梁紹明

攝影：林良明

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】