羅毓儀自認戀愛小惡魔 劉芷君單飛520即推出新歌《浪漫候群症》

小花羅毓儀、劉芷君（Aster）及林沚羿，前日聯同三位幸福人夫吳業坤（坤哥）、周吉佩（吉吉）及伍富橋，到上水廣場出席「520 Lovely Music Party新歌巡禮」，劉芷君及吉吉即場獻唱新歌，令現場逼爆粉絲，氣氛甜蜜又高漲！

同場加映：中年好聲音丨周吉佩人氣急升未做到仔女偶像 嘗盡人情冷暖：學識感恩同珍惜

{{hket:ul-video id="8271"}}{{/hket:ul-video}}

{{hket:inline-image name="2.jpg"}}{{/hket:inline-image}}

{{hket:inline-image name="7.jpg"}}{{/hket:inline-image}}

活動上，一眾嘉賓與觀眾玩遊戲外，更獻唱多首情歌冧粉絲，吸引了大批支持者到上水廣場應援，活動瞬間變迷你演唱會。嘉賓們分享被表白的經驗，羅毓儀自言有一個十分難忘的被表白經歷︰「嗰位男仔本身唔識彈結他，但佢特登去學，仲自彈自唱一首佢親自作曲填詞嘅情歌畀我聽，真係好感動，所以答應咗佢。」

{{hket:inline-image name="6.jpg"}}{{/hket:inline-image}}

至於年僅15歲的劉芷君，亦分享自己憧憬的表白場景︰「我好鍾意睇日落，如果有人喺日落時表白，我會覺得浪漫。」早前脫離XiX、簽約無綫單飛出道的Aster，在活動上第一次獻唱首支個人單曲《浪漫候群症》，雖然唱live時有點緊張，但Aster順利完成，更獲粉絲大讚人靚聲甜，前途無限。

{{hket:inline-image name="5.jpg"}}{{/hket:inline-image}}

{{hket:inline-image name="4.jpg"}}{{/hket:inline-image}}

此外，眾嘉賓分享與另一半的特別慶祝方式，羅毓儀自認是「小惡魔」：「我好鍾意製造驚喜，但一定有惡作劇成分。試過有次整情人節朱古力，當中有一半係正常，有一半係有餡，有辣椒油、Wasabi同豉油味，成功令男朋友又驚又喜！」至於周吉佩坦言結婚多年，慶祝方式較欠缺創意，「不過我有個方法教大家，可以送家品或電器！如果拍緊拖，送家品寓意成家立室，想同你組織家庭；如果結咗婚，送家品超實用！」

{{hket:inline-image name="1.jpg"}}{{/hket:inline-image}}

早前曾揚言有「好消息」的吉吉宣布快將出歌，更率先唱出仍未錄音的新作《你是我唯一的》，「呢首歌係第一次唱，仲未錄音，所以好緊張！呢首歌希望送畀吉士粉（周吉佩粉絲），陪我走過咁多路！」他唱完新歌後，獲吉士粉突擊上台送上粉紅玫瑰砌成的熊仔，一眾粉絲更大叫口號：「吉士粉支持你，陪你一齊走下去！」令吉吉相當感動。

撰文︰娛樂組