周潤發68歲生日發嫂製造驚喜 當老婆陳薈蓮面啜啜袁詠儀

昨日係周潤發（發哥）68歲生日，貴為影帝兼國際影星嘅佢一向作風低調，生活相當貼地，多年來都冇大肆搞慶祝活動。不過今年佢就一反「常態」，搞咗個小小嘅慶祝party，不過呢個party都係同一眾親朋好友小聚，亦有《我不是賭神》劇組成員，非常溫馨。

同場加映： 田蕊妮認曾衝動想同杜汶澤離婚 靠舞台劇提醒要幽默：唔好咁現實

{{hket:ul-video id="8209"}}{{/hket:ul-video}}

{{hket:inline-image name="24.JPG"}}{{/hket:inline-image}}

發嫂陳薈蓮雖然同發哥老夫老妻，依然花心思為老公送上甜蜜驚喜，安排咗發哥好友方中信、黃德斌、監製黃斌、導演莊文強及潘耀明，仲有袁詠儀靚靚及一些圈外朋友，聚首一堂為壽星慶生；發嫂更在電影《賭神》經典音樂襯托下，親自推出蛋糕。發哥被一班好友簇擁唱生日歌下切蛋糕，笑得份外燦爛。

靚靚老公張智霖都係發哥嘅小粉絲，都同發哥一齊切蛋糕大合照，發哥即送上祝福擁抱。一向百厭嘅袁詠儀拍住片再用唔太標準嘅普通話逐個介紹，去到發哥嘅時候，發哥仲「妻目前犯」作勢啜啜佢戲中嘅前妻袁詠儀。片中發哥著住一件貼身白長袖衫，但身上就完全睇唔到有贅肉，一啲都唔似68歲。可愛嘅佢最後不忘宣傳新戲《我不是賭神》，仲話佢生日願望係呢套戲收得，fans們識做啦！

圖片來源：大會提供