方東昇返嚟喇！佢孖黃曉瑩、李曉欣主持嘅全新節目《好睡好起》，喺下星期四（25日）首播，今次方東昇就唔係要尋人，而係去搵「周公」，孖拍檔去探討瞓覺嘅問題，例如「早睡早起真係精神好？」、「香港人有幾唔夠瞓？」、「瞓得多會生得高？」及「夢遊有咩恐怖真相？」等，帶觀眾深入了解睡眠世界，方東昇又可以大講金句。
同場加映：中年好聲音｜吳大強病癒中氣十足搞爛Gag 周吉佩被粉絲誤會有第三胎？
由方東昇、黃曉瑩、李曉欣及黃靖婷主持嘅《尋人記》系列，前年第一輯播出時熱爆全城，去年火速追加第二輯，同樣冇令觀眾失望，方東昇更憑《尋人記II》喺《萬千星輝頒獎典禮2022》，力壓《滿足的味道》黎諾懿、《思家大戰》李思捷、《360秒人生課堂》林盛斌及《流行都市》安德尊，成為嗰年嘅最佳男主持，當日佢就有事而缺席，並由節目監製黃淑明上台代為領獎，黃淑明就話：「方東昇而家正追尋佢嘅美夢，所以大家唔使搵佢，佢係正努力地籌組緊下一個節目畀大家欣賞，佢話會加油努力，希望大家支持佢。」當時監製口中的美夢及新節目，原來係講下星期首播嘅《好睡好起》。
尋人記II丨龜兔賽跑夫婦相距一年陰陽相隔 首輯節目意外拍下遺言大派洋蔥【下一頁】
《尋人記》系列全靠一眾主持人努力搵資料，同一個地方可能要去幾次，又要打電話聯絡唔同嘅人，勁考佢哋同幕後嘅毅力。今次《好睡好起》同樣考起方東昇等人，拍攝時都遇到阻滯，當中身為受訪對象嘅李璨琛老婆梁志瑩（Lucy媽媽）最初就拒絕出鏡，後嚟竟然係靠方東昇魅力解決問題。Lucy媽媽噚晚喺IG上載兩公婆孖女兒Lucy同方東昇成班人嘅合照，並爆料話當初黃曉瑩搵佢拍呢個節目嗰陣，因為TVB係零酬勞而唔想拍。
尋人記II丨「杯麵男孩」志文求方東昇團隊尋母 預告驚見大廚保哥 莫非有親？【下一頁】
Lucy媽媽喺IG如實寫出嚟：「仲記得當時TVB黃曉瑩問我可唔可以幫幫手拍呢個節目，其實我唔係好想so（騷）佢因為冇錢，之後唔知點樣佢話原來佢阿頭係方東昇，我二話不說即刻應承佢，嘻嘻 #我愛方東昇 #如果拍續集我都可以幫你 #因為我細女都有嚴重嘅睡眠問題 #好睡好起 #多謝邀請」
（↓點擊放大睇圖片↓）
- {{hket:inline-image name="Image07.jpeg"}}{{/hket:inline-image}}
唔少網友睇完李燦琛老婆個post就勁大反應，喺入面留言話：「咁點都要問佢攞番隻TVBuddy」、「一睇以為Lulu被尋人」、「方東昇嘅節目，本身已經夠吸引，剛才預告，見到有Lulu，嘩！不得之了呀」、「李老母真係好鍾意你寫嘅嘢，夠真…笑死」、「以為《尋人記》」、「哦！因為冇錢想唔接，又因為方東昇所以接，明白晒」及「tbb咪最叻打呢啲人情牌，咁你都係賣人情啫」等。
撰文：娛樂組
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】