泳兒用狗狗跳大熱「flower」舞打卡 被斥似虐畜：小心整到佢條頸

泳兒家中養咗兩隻哥基犬，2021年時9歲「辣妹」過身，剩低長毛哥基狗狗Batman。近年泳兒都比較少post同狗狗嘅互動，早前佢就趕上潮流，同Batman齊齊跳Jisoo《FLOWER》舞，Instagram段片有30幾萬人睇咗，狗狗一向都係最吸like，但今次泳兒就吸到好多dislike喇！

同場加映： 

田蕊妮認曾衝動想同杜汶澤離婚 靠舞台劇提醒要幽默：唔好咁現實

{{hket:ul-video id="8209"}}{{/hket:ul-video}}

{{hket:inline-image name="124.JPG"}}{{/hket:inline-image}}

片中泳兒一開始用雙手包住狗狗嘅面仔、嘴仔，跟住隨住音樂節奏，雙手展開成花狀，之後再夾住狗仔嘅頭向右扭。眼見狗仔表現得有啲不安想逃走，不過泳兒好快又夾實佢扭，佢頭仔置中，完成「舞步」。最後，泳兒仲好肉緊好大力咁摷狗狗上身，真係人類見到都覺得有啲唔舒服。其實網上都好多人同愛寵玩呢種《FLOWER》舞，絕大多數都係喺寵物臉旁輕輕轉動，好少見到好似泳兒咁肉緊。

唔少網民都留言責難泳兒，「你似虐待隻狗多啲囉」、「狗仔好慘呀，點解會咁對佢㗎？你在虐待佢，停手啦」、「我覺得你唱歌好聽的，我覺得你咁樣對狗狗要like唔係咁好，試換個角度，佢夾你個頭會係咩感受」、「感覺上你比較用力夾阿狗狗」、「我感覺似虐狗」；「I wonder how people do the same to you…of what you did to the dog! Animal Cruelty!（如果人哋咁對你你會點，虐畜）」、「Please be careful dog's neck（小心整到佢條頸呀）」。泳兒一概冇回覆，早前Batman因為護食咬傷泳兒，有fans關心泳兒再受傷，泳兒就有回覆嘞：「唔偷嘢食嘅時候應該唔會嘅...正常唔係偷嘢食嘅時候佢係任搓唔嬲嘅。」

撰文︰娛樂組