郎朗專程來港任個唱嘉賓 李克勤︰感覺到誠意同友情可貴

李克勤昨晚第四場「弦續‧港樂演唱會」請來鋼琴家郎朗做特別嘉賓，兩人一晚限定合作《深深深》及《我不會唱歌》兩首歌，令觀眾聽出耳油。

同場加映：中年好聲音｜吳大強病癒中氣十足搞爛Gag 周吉佩被粉絲誤會有第三胎？

{{hket:ul-video id="8223"}}{{/hket:ul-video}}

{{hket:inline-image name="106.jpg"}}{{/hket:inline-image}}

克勤和郎朗於03年合作《我不會唱歌》成為經典，他昨晚在台上答謝遠道而來做一晚表演嘉賓的郎朗，克勤表示︰「呢個朋友好特別， 佢唔識唱歌，但係佢係國際級。20年前我地合作過一隻歌，呢隻歌唱到今日我重唱緊。當我知道佢今日肯來做嘉賓，好開心之外，亦感覺到個份誠意同友情可貴。」

{{hket:inline-image name="WILL6894.JPG"}}{{/hket:inline-image}}

郎朗上台即開心跟觀眾打招呼︰「大家好，非常激動，我仍記得我們20年前第一次合作，今天再一起真的很激動。」台下掌聲雷動。克勤昨晚除了收到觀眾送的鮮花和禮物外，仍不斷收到利市，他笑道︰「大家係咪覺得我個樣似屋企負擔比較重，多謝大家鼎力支持李立仁、李力司教育基金。」

{{hket:inline-image name="IMG_2724.JPG"}}{{/hket:inline-image}}

有觀眾即場拿出銀紙叫克勤過去收，克勤笑道，「你現兜兜攞啲銀紙出來就唔好，你攞個信封入住佢。」觀眾仍不放棄，「唔得，唔得，老闆鬧我㗎...」克勤再安撫道，「重有兩個鐘呀，你搵啲嘢入住佢啦。我一陣再行過來啦。」引得全場大笑。昨晚楊受成及太太、關志斌、陳家樂及葉璇等一眾好友都有前來棒場。

{{hket:inline-image name="107.jpg"}}{{/hket:inline-image}}

撰文：倪小珊

相片：大會提供