朱智賢密實大跌watt小蠻腰失蹤《夏水禮》鹽花全走變「照妖鏡」

由金剛和Bob林盛斌主持的TVB綜藝節目《濠玩夏水禮》（16日）於澳門新濠影滙進行錄影，與嘉賓陸浩明、楊潮凱、傅嘉莉、朱智賢和劉溫馨等嘉賓一同玩水上遊戲，然而性感尺度卻未似預期，六位女嘉賓全部收起好身材以T裇造型落水玩，比起《東張西望》主持梁敏巧更密實，亳無睇頭。

同場加映：

中年好聲音｜吳大強病癒中氣十足搞爛Gag 周吉佩被粉絲誤會有第三胎？

{{hket:ul-video id="8223"}}{{/hket:ul-video}}

在六位女嘉賓之中，以傅嘉莉、黃美棋比較吸精，T裇背面有個心型大洞展現性感美背；朱智賢以若隱若現的跌膊look示人，露出少少腰肢，但就明顯「不復當年勇」，有鬼祟肉唧出；黃婉恩則最有機心，在胸前剪了一大個窿，大騷強勁事業線。不過未知係咪眾女化上嘅都係「落水妝」，同平時好似有啲唔同之餘，睇落仲有啲驚嚇。

{{hket:inline-image name="d66f7c214a11a8a886942f53a8f36af2.jpg"}}{{/hket:inline-image}}

朱智賢表示打扮密實錫身有原因：「唔着衫唔得呀！因為佢哋玩得好狼死，啲水好似𠝹刀咁片過嚟，同埋費事嚇親人啦...」又自嘲：「真係有啲驚，因為疫情個人都懶咗，同埋坐得多，所以積聚咗啲糖分係個肚腩度，都驚啲肥腩唧晒出嚟，嚇親人就唔好...之前都去咗跑步，同埋戒咗食甜嘢、垃圾食物。」劉溫馨則指一到酒店已經破戒吃了甜品，笑言該不會立即變肥。

朱智賢、劉溫馨同屬2013年香港小姐，問到若有節目要她們以三點式泳裝上陣可有勇氣挑戰？兩人皆耍手擰頭，笑言留給機會新人，六月便37歲的朱說：「唔好喇！我哋都一把年紀，唔想嚇親人。」32歲，漸漸收身的後者則說：「冇磅過瘦咗幾多，試過有條褲肥到拉唔到拉鍊，而家先着得落。」

撰文︰娛樂組

圖片來源：《晴報》、林良明攝