素海霖被彈有拜拜肉fans群起維護 揭遭私訊性騷擾一句KO對方

素海霖（Erena）以藝名「繪麗奈」進軍日本AV界，成為首位土生土長的香港AV女優，其處女作月前上架後更大受歡迎，為她狂吸支持者，IG追隨人數升至22萬，得到粉絲們課金支持。Erena日前透露將於本月31日舉辦香港見面會，雖然場地未定，活動時間為下午12時到下午6時，門票分為兩種，150港元的入場券包簽名握手、飲品，小食，目前預售價為130港元；另外加設即影即有留念合照券/攝影券，每張合照價盛惠200港元，預售價為179港元，如果買滿五張或以上還會包署名加簽名，屆時會有200件限量周邊商品發售。

同場加映： 

田蕊妮認曾衝動想同杜汶澤離婚 靠舞台劇提醒要幽默：唔好咁現實

{{hket:ul-video id="8209"}}{{/hket:ul-video}}

人紅就自然多是非，素海霖見面會被批評收費太貴，今日又有一名網民就素海霖新相負評，批評佢有「拜拜肉」。素海霖被彈都唔係第一日嘅事，最爆嘅係佢本人親自回覆，公開指呢名網民性騷擾佢，嚇到對方即刻潛水呀！

{{hket:inline-image name="310714280_111492561594712_6274432954505787996_n.jpg"}}{{/hket:inline-image}}

隨見面會日子越來越近，素海霖昨日就咨詢粉絲們，想佢以咩造型現身？仲post佢於AV中嘅兩個造型。唔少粉絲反應都好正面，叫佢最緊要穿自己覺得舒服嘅裝束就好，都有人提出一啲特別要求。然而，有一名網民就批評佢身形，留言：「手臂啲拜拜肉都咇出嚟啦。」素海霖被彈唔係新鮮事，佢親回對方：「咁你又dm我話想X（要求性行為）我？」，呢名網民亦即深潛，fans都出嚟撐偶像，大鬧呢種人冇品同唔尊重AV女優。

其實素海霖有豐富經驗同「賤男」打交道，曾經講過心目中「賤男」係爆出多人運動事件的「時間管理大師」羅志祥，「做人千祈唔好太羅志祥，如果唔係就會有代價！而最渣係完全冇同個女仔食飯，每次都係喺租studio去發生性行為，咁我覺得呢個人幾cheap。」自認個性我行我素的素海霖，講到睇到一則已婚男僱主搭上菲傭的新聞，令她不再相信婚姻，「我唔會結婚囉，唔好話請唔請菲傭，老實講，男女都會偷食，但……總之我唔信男人囉，講完。」

素海霖曾經表示，港男不錯，自己唔「崇洋」，「我唔鍾意外國人，之前上網睇過一條片，啲外國人覺得亞洲女仔好容易『上』，所以我覺得（佢哋）好唔尊重香港女仔。」並認為揀對象一定要溝通到，當時佢透露學習日文，故不排除將來搵個日本男友。

撰文︰娛樂組

圖片來源：Instagram