逆天奇案2丨梁小冰恨與老公做拍戲被照顧 陳嘉輝爆《愛回家》將有感情線

梁小冰在1990年參加香港小姐競選，她在決賽當晚表演帽子舞時，失手將帽子掉在地上，幸好她即時執生，坐在地上擺出一個托腮的甫士，隨即獲得讚賞，最後以季軍姿勢順利入行。兩年後，在拍攝劇集《兄兄我我》時，與陳嘉輝互生情愫。

同場加映：中年好聲音｜吳大強病癒中氣十足搞爛Gag 周吉佩被粉絲誤會有第三胎？

{{hket:ul-video id="8223"}}{{/hket:ul-video}}

{{hket:inline-image name="59c1a34f-d01b-48a7-9e75-efb9a829b74f.JPG"}}{{/hket:inline-image}}

{{hket:inline-image name="287879560_3213874432187914_6371120262903754613_n.jpg"}}{{/hket:inline-image}}

2000年，小冰與嘉輝合作台灣中視劇集《新梁山伯祝英台》；同年，兩人結束8年愛情長跑，婚後育有一子，成為圈中的模範夫妻。相隔23年，小冰和嘉輝正式以夫妻檔，拍攝無綫新劇《逆天奇案2》，今日開鏡拜神時，兩人更拖手出場。被問到在劇中是否飾演夫婦？嘉輝說：「我暗戀咗佢好多年，希望可以追到佢。」小冰接著說：「但以我咁嘅身世，我覺得自己唔好累人累物喇，我覺得你值得搵個更好嘅，搵個第二個啦！」

【1990年港姐季軍】50歲梁小冰化老妝演86歲婆婆 敬業不介意：25年前已經演媽媽角色【下一頁】
事後接受訪問時，兩人表示今次是第4次合作，小冰解釋接拍原因，她說：「我嘅角色都幾大挑戰，我飾演一個又老又落魄又滄桑嘅黑幫人士，今日個造型係最靚，大家影多少少相，因為我演嗰幾集係非常醜樣，所以大家有心理準備，我再出現就冇陳圓圓（1998年在《鹿鼎記》飾演的角色）咁靚。」問她是否一直有戲癮？小冰笑說：「如果你哋唔撩起我呢，我又冇乜嘢嘅，我咪日日煮飯畀陳生食囉，但因為劇本又send到嚟，劇情角色非常感人，所以啲戲癮就咁出嚟。唔畀我就好啲，一畀我就想拍囉；而且都要歸功於編審，佢講故仔講得好好，所以佢講完之後，我就答應咗。」

嘉輝在劇中飾演暗戀小冰30年的角色，他賣口乖笑說：「難得可以同佢拍拖，一路拍拖一路拍戲，回味吓當年。」提到嘉輝沒有自家飯吃？兩公婆異口同聲說：「我哋太耐冇食飯盒喇！」至於照顧兒子方面，小冰指兒子已經16歲，可以獨留他在家中。至於拍戲是否要問准兒子？小冰說：「佢而家都唔係好要我㗎喇，叫我去拍戲啦，同爹哋去拍拖啦！只係監製（陳志江）好擔心問我『小冰，你會唔會好抗拒同老公做戲？』我就好特別，我好恨同嘉輝做戲，因為佢好take care我，同埋係一個超級好好嘅對手，佢將所有對白都背得好熟，同埋我哋喺屋企已經背好晒，對到熟為止，喺現場拍就快啦嘛！」

《愛回家》朱展被李莫仇爆老婆係港姐季軍 網民起哄召梁小冰客串演凌凌媽【下一頁】

{{hket:inline-image name="20.jpg"}}{{/hket:inline-image}}

對於嘉輝在《愛回家之開心速遞》飾演朱展，一直沒有太太這個角色的出現，問到是否未能打動她復出？小冰說：「我驚表錯情呀，要人哋《愛回家》邀請我㗎嘛，我自己送上門食檸檬咪唔係幾好囉，如果係我就義不容辭，因為我覺得佢（陳嘉輝）喺戲入面嗰啲仔，真係超級靚仔，我都好恨有個仔，但都要問監製係咪想用我......你想唔想我做你老婆？」嘉輝說：「其實一路鋪緊係你......」小冰立即截住他：「你唔好亂講嘢！」嘉輝再說：「監製一路鋪緊有個老婆。」小冰笑說：「話唔埋佢安排第二啲香港小姐，又比我後生又比我靚女，所以我唔敢自告奮勇。」

採訪：黃寶蓮

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】