無綫娛樂新聞報道｜馮素波爆前年做切大腸手術 賴彥妤唔經大腦提問網民洗版狂插

TVB娛樂新聞台主持賴彥妤不時都語出驚人，繼去年母親節前夕在採訪姜麗文（Lesley）時竟追問對方打算如何跟媽媽慶祝母親節後，最近在採訪馮素波（波姐）時又再度亂問問題，更「嚇親」波姐！

同場加映：田蕊妮認曾衝動想同杜汶澤離婚 靠舞台劇提醒要幽默：唔好咁現實

{{hket:ul-video id="8209"}}{{/hket:ul-video}}

早前波姐、鄧月平、林耀聲等為鄭丹瑞（旦哥）和曾樂彤主持的港台節目《醫家搞邊科》擔任嘉賓。錄影完節目後，眾人接受TVB娛樂新聞台訪問。波姐在訪問中自爆：「前年我做咗過大腸手術，切咗5分1個腸，而家更需要健康，我而家好健康㗎…」賴彥妤竟笑住追問：「咁你有冇咩秘訣呀？」波姐當堂嚇窒，反問：「吓？秘訣？」

{{hket:inline-image name="34.jpeg"}}{{/hket:inline-image}}

賴彥妤隨即補充：「食清啲？定係⋯⋯」波姐就指：「我不嬲都食得好清，唔知點解清極都清唔到，你哋要小心。」而一旁的鄧月平和林耀聲聽到波姐曾患大病即收起笑容，並慰問對方。不少網友力批賴彥妤的發言無腦，更留言問她：「有冇咩秘訣先做到垃圾主持？」、「唔該你用吓你個腦諗吓問咩啦！」

其實賴彥妤的不專業表現早有「前科」，她在去年5月曾問姜麗文如何跟媽媽慶祝母親節，然而其母親梁盛子在2016年於加拿大因腦溢血猝逝。姜麗文聽到問題後答得大方得體，表示：「會同父親慶祝」。

而在同年11月，賴彥妤訪問郭富城聖誕節如何跟家人度過，城城表示將會帶家人睇燈飾，但未知當時賴彥妤當時是不是遊緊魂，又再重覆發問同一問題。城城回應：「我頭先咪講咗囉！」

另外，在今年3月，方力申出席活動時被問到會否帶女友出席公開活動，方力申就表示沒有這個計劃。不過賴彥妤之後就追問：「有冇諗過情侶檔接Job？」方力申回答：「應該就唔會喇，因為佢唔係圈內人。」

{{hket:inline-image name="345.jpeg"}}{{/hket:inline-image}}

2016年生母梁盛子亡丨主播竟問母親節點同媽咪度過 姜麗文零尷尬照回應 網友讚大器【下一頁】

撰文：娛樂組