《是日精選》︳邱傲然獲邀拍首部劇情短片 MIRROR隊長Lokman肩負男主角重任

MIRROR成員邱傲然（Tiger）最近獲《第十七屆鮮浪潮國際短片節》邀請拍攝開幕短片《是日精選》，這次是Tiger繼MIRROR《破鏡》MV後，再次擔任導演一職，獲得MIRROR兄弟及圈中好友力撐，不收分文演出，而早前6場門票開售即被秒殺，大會今日宣布再加開7場。

同場加映：中年好聲音｜吳大強病癒中氣十足搞爛Gag 周吉佩被粉絲誤會有第三胎？

{{hket:ul-video id="8223"}}{{/hket:ul-video}}

{{hket:inline-image name="150.jpg"}}{{/hket:inline-image}}

Tiger獲得這次擔任導演的機會，他坦言也不知因由，回想起只道：「我之前喺加拿大放假時收到花姐（經理人）電話，一打嚟就係叫我拍片，而唔係問我拍唔拍，應該係因為喺鮮浪潮頒獎禮講咗幾句嘢。」接過電話後，Tiger在短短兩個月內，由零開始，度劇本、搵齊人開工拍攝，時間不長也不短，不過因為拍攝與車有關的故事，不但時間變得緊迫，難度也相對提高。

{{hket:inline-image name="101.jpg"}}{{/hket:inline-image}}

Tiger道：「香港地拍嘢Budget有限，冇咁多空間失誤，各樣嘢都要好精準！」所以他邀請了《花組ERROR遊》、《ERROR自肥企畫》、《殺手廢J》的編劇麥可暉寫劇本，MIRROR兄弟楊樂文（Lokman）任副導演，怎料從詳計議後，發現難有合適人選當男主角，Tiger十分感激Lokman隨即兩脇插刀肩負起男主角的重任，更謂：「Lokman叫到佢一定做。」

{{hket:inline-image name="106.jpg"}}{{/hket:inline-image}}

《是日精選》是一部集黑幫世界、埋身肉搏、飛車追逐的短片，有齊港產類型片最精熟的範疇，亦是Tiger喜愛的元素，Tiger道：「大家Brainstorm拍乜嘢類型時，就諗有乜嘢係好鍾意嘅元素，第一樣諗到就係車，因為我由細到大都好想有一條片，不論演出或以任何形式參與，係同車有關就好！難得今次真係可以有咁大空間，唔理啦！拍咗再算！」

{{hket:inline-image name="108.jpg"}}{{/hket:inline-image}}

對於擔任新導演的Tiger來說，今次在鏡頭後都緊張又刺激，他直言自己腎上腺素飇升！Tiger分享道：「第一個鏡頭就係Lokman同Ronald喺廁格動作戲，比起文戲，處理又多咗。除咗場口處理外，喺現場成隊crew咁多人，仲要雙機拍攝，已經比起我哋諗嘅鮮浪潮Project又再大咗，現場要控制咁多人去做一件事，溝通交流好緊要。」用到這個規模拍攝一條短片，Tiger透露，要多謝擔任監製的花姐幫忙，並說：「班底係花姐幫手碌卡，搵到好多好好嘅Crew幫手做呢件事，以呢個空間、資源本來係好難做到呢個Scale嘅事，但好好彩，真係識人好過識字。」

{{hket:inline-image name="107.jpg"}}{{/hket:inline-image}}

換上Lokman當主角，MIRROR另一個好兄弟江𤒹生即自薦做副導演，但Tiger笑言：「佢又貪玩、想玩，而且男仔一定鍾意車，又知道Lokman做男主角，又有其他演員（岑珈其、陳瑞輝、李駿傑、梁祖堯、邱頌偉、黎美萱、林子傑）一齊玩，一聽到呢個班底都心郁想嚟參與啦！不過AK做得好好，第一次做副導，佢都跟得好足好細心。」

{{hket:inline-image name="105.jpg"}}{{/hket:inline-image}}

撰文：倪小珊

相片：大會提供