邱士縉Stanley母年初病逝《來不及》訴心聲 一事感遺憾：做成績畀佢睇

MIRROR成員邱士縉（Stanley）在昨日的母親節，推出第一支單曲《來不及》，新歌MV加入他與媽媽的一些回憶，以及家人的合照，Stanley在拍攝時一度泣不成聲！

同場加映：

田蕊妮認曾衝動想同杜汶澤離婚 靠舞台劇提醒要幽默：唔好咁現實

{{hket:ul-video id="8209"}}{{/hket:ul-video}}

{{hket:inline-image name="IMG_6869.JPG"}}{{/hket:inline-image}}

{{hket:inline-image name="12.jpg"}}{{/hket:inline-image}}

Stanley在IG出post，留言：「錐心之痛，七歲經歷了一次。想不到，年頭再經歷多一次...近幾年，相信大家都會經歷過離別。朋友選擇離開，甚至乎自己的親人離世。這首歌《來不及》，如果可以帶給大家一點提醒，一點釋懷，一點安慰，這就足夠了。」《來不及》是Stanley送給今年年初因病去世的媽媽。媽媽的離世令他留下一個遺撼，說：「佢冇睇過我演唱會，所以我好想有首歌可以喺日後演唱會唱畀佢聽。」於是Stanley就向經理人花姐（黃慧君）提議，他表示有兩句歌詞十分觸動，「愛沒盡頭不必害怕」、「我會自強不需記掛」，說：「我對媽媽嘅愛冇盡頭，會好叻仔去做成績畀佢睇。」

邱士縉慨嘆MIRROR連環被批評 澄清：從來冇覺得自己有多厲害【下一頁】

在MV中，導演加入了喪禮，又或是Stanley年少時，媽媽從屋企嗌落樓叫他返屋企食飯的片段，他憶及：「我係屋邨仔，以前打籃球，媽媽喺屋企嗌落籃球場：『食飯喇，細佬！』我成日覺得好尷尬，叫佢唔好咁嗌我，全部人都望住我，我怕醜。後來佢進化到落嚟籃球場拉開閘門叫我食飯，一樣咁大聲，然後到最後變成send message畀我。呢啲係母子好記得嘅畫面，好想喺呢個MV呈現。」最虐心的一幕就是在喪禮後，他回到家中，看到與家人的照片，看着媽媽寫給自己的字條，Stanley真情流露而傷心得泣不成聲。

邱士縉唔明點解成日做爸爸角色 「係咪我照顧姜濤照顧得多？」【下一頁】

{{hket:inline-image name="20.jpg"}}{{/hket:inline-image}}

{{hket:inline-image name="21.jpg"}}{{/hket:inline-image}}

MV末段十分催淚，加插了媽媽生前給Stanley的錄音︰「你喺邊呀？星期日嚟食飯好唔好呀？」Stanley表示：「好多媽咪嘅心願都係小朋友開心就得，子女就會想媽咪見到自己成功嘅一面。媽咪離世呢件事對我最大領悟，就係要好好珍惜所有嘢，所有moment。佢臨過身前嗰段時間，都仲係好擔心我呢樣嗰樣，我應承佢會努力，會照顧我個姪，會同哥哥繼續相親相愛，會有朝一日好叻仔喺台上拎獎可以多謝媽媽。呢樣係我會好努力去做嘅嘢，唔係佢嘅心願，佢心願只要我開心、健康就OK。作為兒子，我好希望佢會proud of有我呢個仔。」

{{hket:inline-image name="23.jpg"}}{{/hket:inline-image}}

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】