姜濤近距離追星後台做小豬伴舞 不忘姜糖：終於知道你們的感覺

人氣男團MIRROR成員姜濤、盧瀚霆（Anson Lo）、呂爵安（Edan）及柳應廷（Jer）現身在馬來西亞，將於今晚（14日）擔任音樂節表演嘉賓，平時姜濤出巡搞到萬人空巷就聽得多，估唔到今次姜濤竟然變番一個小粉絲！

同場加映：  田蕊妮認曾衝動想同杜汶澤離婚 靠舞台劇提醒要幽默：唔好咁現實

{{hket:ul-video id="8206"}}{{/hket:ul-video}}

音樂節昨晚（13日）率先有姜濤偶像、亞洲舞王羅志祥（小豬）打頭陣演出，雖然未有機會同台表演，但其實姜濤已化身小粉絲，全程喺後台近距離欣賞偶像表演，仲自己做「伴舞」，跟住一齊跳，可以話係最強追星族。當小豬見到後台嘅姜濤，仲同佢打招呼，姜濤即刻變番凡人，興奮到不能自已。姜濤化身小迷弟，都不忘佢嘅姜糖，留言：「我終於知道你們（姜糖）平常的感覺了！」而羅志祥受訪時亦表示很高興與姜濤見面，更指只要姜濤開口，一定應承擔任其演唱會嘉賓。

{{hket:inline-image name="346084817_1397402934432526_3082944222434596395_n.jpg"}}{{/hket:inline-image}}

唔少姜糖都「扭計」話平時同姜濤冇咁近距離：「我哋仲未明喺後台追星嘅感覺。」、「喂我都想去後台睇你呀。」、「想試下後台追星，可唔可以畀個機會我。」唔少人都大讚姜B：「太可愛啦小粉絲😍😍睇到我都想跳埋一份😻 尖～叫～聲」、「姜生，你需要一枝手燈。」、「開心仔❤️我哋都等你明晚炸爆舞台！」、「平時我哋見到你，就算只是遠遠地看到，都是咁開心，咁興奮！」

姜濤入行前已視台灣舞王羅志祥（小豬）為偶像，當年姜濤參加內地歌唱比賽《快樂男聲》，小豬更係評判之一，可惜當年姜濤落敗。及後姜濤參加ViuTV的《全民造星》，當時嘅姜糖已搵到小豬拍片為姜濤打氣，兩人淵源甚深。

圖片來源：Instagram