溫拿50周年推出新歌《由始至今》 歌詞巧妙加入昔日經典歌名

由譚詠麟（校長）、彭健新（健仔）、葉智強（阿強）、鍾鎮濤（B哥哥）、陳友組成的溫拿樂隊，今年成立50周年，溫拿五虎合力創作新歌《由始至今》，由校長同B哥哥作曲，校長同時負責填歌，而副歌巧妙地加入他們經典作品的歌名，包括《溫拿狂想曲》、《Sha La La La》、《追趕跑跳碰》及《千載不變》等等。

同場加映：

許光漢林柏宏曬廣東話宣傳新戲 無邀請周星馳睇首映即「認衰」：向他下跪！

{{hket:ul-video id="8172"}}{{/hket:ul-video}}

{{hket:inline-image name="tWrwtqmo.jpeg"}}{{/hket:inline-image}}

{{hket:inline-image name="ilb81Vfc.jpeg"}}{{/hket:inline-image}}

日前五虎齊集新界一營地，拍攝《由始至今》的MV，製作團隊準備了樂器及音響系統，讓五個大細路在野外夾band過足癮，他們興奮表示：「以前圍住營火，攞支木結他唱一下就有，露營夾band真係第一次！」

彭健新73歲生日︳阿強葉智強閃現白髮look勁搶Fo 網民提議做溫拿代言人【下一頁】

提到新歌的創作過程，原來是校長有一次去B哥哥屋企，當說起籌備新歌時，後者很自然地拿起結他，而校長即場哼出旋律，將溫拿的點滴注入歌詞中，B哥哥：「本身有諗過搵人寫歌詞，但係呢，寫溫拿冇人夠我哋熟。」《由始至今》就此成形，但健仔笑言他只唱得一句，「佢哋兩個好好人呀，話『你放心，點都留番句你唱嘅』，真係得一句！哈哈！」其實還有下文，B哥哥爆料：「編曲方面經歷咗好多波折，健仔話冇結他solo唔制喎，咪加多段畀佢，特別送畀彭健新嘅！」

（↓點擊放大睇圖片↓）

溫拿五虎在現場玩得開心，陳友笑說：「我哋唔係好大啫，都係啱啱『奔七』（70歲）之嘛，人生七十唔係好多，我哋仲可以仲壯壯健健…今日唔知聽日事，有得唱就唱，開心就開心囉，一路踩落去，踩多30年夠唔夠？哈哈！」B哥哥認為這是溫拿精神，校長作補充：「有人話過我哋好似一幅畫，有高有矮，有肥有瘦，係一種緣分，呢份友誼細水長流，可以融洽相處咁多年，要好好珍惜。」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】