袁偉豪教整pizza被讚似謝霆鋒 裝備專業用夫妻合照做牆最搶鏡

袁偉豪自結婚後減產不少，去年拍攝完劇集《法證先鋒V》後再未出演任何劇集，同全盛時期比較，都少咗出席公開場合。日前佢就久違同太太張寶兒出席節目《同屋企人去旅行》嘅記者會，兩公婆連工作都拍住上，夫妻恩愛。二人唔單止人前恩愛，佢哋就連家中嘅一道牆都係用二人嘅合照做成，真係睇到都覺得「冤氣」。

同場加映：中年好聲音｜吳大強病癒中氣十足搞爛Gag 周吉佩被粉絲誤會有第三胎？

{{hket:ul-video id="8223"}}{{/hket:ul-video}}

袁偉豪近年幕前工作雖然減少咗，但就經常於社交平台上載唔同主題的影片，袁偉豪更開始發展其他興趣，除咗沖咖啡之外，就係下廚做「煮家男」。日前佢就拍攝咗一條整Pizza嘅短片，袁偉豪教整Pizza時講得頭頭是道，表示呢個係佢近年一大興趣，由製麵粉皮到加配料及烤焗全部一腳踢。出爐Pizza皮薄香脆，佢都好滿意製成品，仲話自己目標係想開一間cafe、餅店或麵包店。

{{hket:inline-image name="12.JPG"}}{{/hket:inline-image}}

唔少試過佢手勢嘅藝人朋友都話睇到流晒口水，林子善留言：「好掛住你同你整嘅Pizza」；陳自瑤就話：「幾時請我一齊玩？」周志文就表示：「搞到我想再食。」唔少網民都大讚佢多才多藝，話佢似圈中另一大廚謝霆鋒，又表示會幫襯：「真係焗得唔錯」、「如果你開cafe，我希望我可以做第一批顧客」、「做得非常好，我希望你可以願望成真，我去幫襯你間舖頭啦。」

片中另一個焦點就係佢嘅6千萬複式豪宅清水灣傲瀧花園，佢大方公開開放式廚房內貌，廚房設備一應俱全之外，仲被發現廚房的其中一面牆身，有一幅長約3米嘅夫妻合照，浪漫得嚟仲好自戀，唔知佢嘅靈感係咪來自《逃學威龍3之龍過雞年》入面嘅王百萬同湯茱迪呢？

圖片來源：Instagram