泥鯭@RB公開寸姜濤要「言語治療」 似拎終身成就獎：修哥都講唔出

MIRROR成員姜濤日前在《CHILL CLUB頒獎典禮2023》奪得男歌手銀獎，於台上逐一向11位成員「示愛」，睇到全城起雞皮，而當晚MIRROR亦橫掃多個獎項，成為大贏家。樂隊RubberBand缺席頒獎禮，但鼓手泥鯭（黎萬宏）都好關心樂壇，睇住頒獎禮，更連環出po疑似嘲諷MIRROR及各成員。

同場加映：  法言人丨黃嘉樂唔續約TVB老友勁擔心 婚姻出現「小三」強調最愛老婆

{{hket:ul-video id="8158"}}{{/hket:ul-video}}

RubberBand獲《CHILL CLUB頒獎典禮2023》的樂隊銀獎，主音6號拍片道謝，表示多做音樂少做無謂嘢。泥鯭於FaceBook出po撐隊友兼「有骨」留言：「唱好啲歌先做啲小動作啦，＃全晚最啱聽嘅評語」。當晚泥鯭連環出po：「多謝說話定係『鼓勵』說話？！WTX？！係咪short X咗？！修哥都講唔出啦」、「嘩，頒唔尷尬，攞唔尷尬，唯有睇嘅尷尬」、「又一個大台誕生」、「依（而）家諗返當年亞太區最受歡迎男歌手真係『實至名歸』」、「下屆叱咤司儀會點玩呢段感言？」。

{{hket:inline-image name="267979434_1102430337233866_3951925626163684307_n.jpg"}}{{/hket:inline-image}}

泥鯭連環出po明寸姜濤獲男歌手銀獎時嘅感言，「歌迷會夾份請個寫手同看護畀佢啦」、「建議先做言語治療」，之後佢再抵死留言：「我想喺度嘥大家小小時間，我要借呢個機會去多謝我隊友」。泥鯭社交平台即時湧入大批網民洗版為MIRROR護航：「身為前輩講呢啲，抵你無運行」、「你哋以為自己喺樂壇大哥？無品！」、「雖然你哋一把年紀，不過仲有時間努力嘅，唔好再妒忌人啦」。有人仲牽扯到泥鯭女友：「留言同揀女人一樣無腦，要黃心穎」、「細路仔都恰上台講幾句野（嘢）都得罪你？」、亦有唔少人撐泥鯭反駁：「真係為你偶像好就叫佢正視佢問題，唔係盲撐他只是個孩子」、「唔啱睇就過主，做乜要去人哋FB度吠？」泥鯭就冇因為負評縮沙，出Po指自己得罪「鏡安公署」，覺得「與有榮焉」咁話。

以下係姜濤向每一位MIRROR成員發表嘅講話：

Lokman：我記得頭幾年我哋有好多好多嘅內部有好多問題，睇《調教你MIRROR》會知道，但係我知道經過《調教你MIRROR》，你有努力成為一個好嘅隊長。我好Respect你，多謝！

Tiger：雖然《調教你MIRROR》話同你講會有每日50句，但都係一句都冇，但係你好有 talent，喺電影方面、唱歌方面其實你都有你嘅talent，所以繼續加油！

Jeremy：你係我最surprise嘅一個人，老實講我喺《全民造星》並無太多留意你，但係我想講，講真，你係我覺得喺我哋咁多成員之中，真係進步最多嘅一位。

Alton：我每一次搵你都係傾啲無聊嘢，但係我知道你一直好渴求有表現自己嘅機會，我相信你總有一日一定會做到。

Frankie：其實我同Tiger起碼有一句，但係我同你一句都冇哈哈，但係我知道你仲好努力搵緊自己嘅目標，我相信你比《調教你MIRROR》更加清楚自己嘅目標。

Anson Kong：雖然脾氣都係照舊啦，但係我知道你好努力她努力成為我哋副隊長，所以好尊重你。

Ian：I love you，我proud of你值得擁有嘅一切，你攞獎我好開心。

Stanley：我知道你好想成為一個演員，我知道你對演戲嘅熱誠，比起在場每一位都更加更加多，所以你一定會成為一個好演員。

Jer：我知你好想做到自己嘅音樂路，我知道你一直以來對於自己音樂好有堅持，繼續堅持落去。

Edan：你實在係一個非常非常全盤努力嘅人，我只可以講，MIRROR 入面我第二佩服你。

Anson Lo：第一個 （佩服）Anson Lo。我知道外界成日都會將我哋攞嚟去比較，我知道我哋好多支持者，有時會因為我哋有好多嘅爭拗，但係我想講我從來無理呢啲嘢，我想講我真心地喺《全民造星》第一日開始，我哋經歷過好多好多誤會，但係我永遠都係最信你，你知嘅，所以 I love you。

圖片來源：《晴報》圖片林良明攝