64歲周比利寶刀未老曬一字馬 與洪金寶合作勁放心：打得舒服

64歲動作演員兼拳王的周比利，今年3月開始進駐抖音平台，差不多兩個月時間，成功吸納29萬幾粉絲，相當之犀利。

同場加映：

許光漢林柏宏曬廣東話宣傳新戲 無邀請周星馳睇首映即「認衰」：向他下跪！

{{hket:ul-video id="8172"}}{{/hket:ul-video}}

{{hket:inline-image name="05081003.jpg"}}{{/hket:inline-image}}

{{hket:inline-image name="05081011.jpg"}}{{/hket:inline-image}}

周比利曾是自由搏擊世界冠軍，如今不再上擂台與人比賽，退下火線享受人生，在自己的拳館訓練拳手。周比利在抖音上載他特訓UFC重量級拳手Tanner Boser的片段外，還有他平日練拳的情況，輕鬆在地上做拉筋動作，毫無難度做出一字馬，之後練習打沙包更是勁度十足。

【搏擊世界冠軍】周比利真功夫與成龍洪金寶對打 61歲寶刀未老培養下一代拳王【下一頁】

周比利亦有分享多年拍戲的感受，1988年入行，第一齣戲是洪金寶、張曼玉、張堅庭及高麗虹等合演的《過埠新娘》，他承認大哥洪金寶對其影響深遠，「因為係佢帶我入行，大哥可以發揮每一位演員嘅專長，度（設計）啲動作好適合我，打得好舒服，加埋佢又咁大件頭，同佢打可以放心啲。另一位就係袁和平導演，合作過一套劇同一部電影，度啲嘢又係啱晒你打，可以發揮得好靚，動作流暢。」至於行內欣賞的演員，他表示：「一定係錢嘉樂，我識佢哥哥錢小豪，我喺81年初去香港打比賽，佢已經入行做武師，睇佢每套戲嘅動作超大膽，拍《東方禿鷹》喺三樓咁高嘅山坡跳落運兵車，個個睇到都驚，係佢自己唔驚，所以今日佢得到咁嘅成就，真係佢應得嘅。」

（↓點擊放大睇圖片↓）

至今拍了廿多部電影，周比利指《精武英雄》（1994年）是最多人談論的作品，他飾演日本軍官藤田岡，跟男主角「陳真」李連杰有場經典對打戲。他說：「去到泰國或者菲律賓，好多人居然同我講日文，當咗我係日本人。多謝李連杰諗到用我，呢部戲對我都好多幫助，同佢拍都好舒服，佢都係一個公認武林高手，大家配合得好好，打得好舒服，但居然打咗20幾、30日。」

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】