炎明熹邊考DSE邊出騷搵錢 姑丈批准開live fans清唱表白

歌手炎明熹（Gigi）是應屆DSE考生，不過未考完試，Gigi已頻頻出騷搵錢，早前更到了珠海及肇慶開騷。昨日（7日）Gigi本來亦要出騷，不過因紅色暴雨警告而取消。久未開live的Gigi於是趁空檔期間開直播同「Gi炎粉」互動及傾偈，相當有粉絲心。

同場加映：法言人丨黃嘉樂唔續約TVB老友勁擔心 婚姻出現「小三」強調最愛老婆

{{hket:ul-video id="8158"}}{{/hket:ul-video}}

Gigi在直播中被問到DSE考試，她就指明天（9日）仲有一科Technology and Living要考，本來想一路開live一路溫書，「但姑丈話一個鐘唔緊要，我開埋live就去溫書！」她又指考試的日子過得好快，「尤其得番一科要考，時間真係過得好快！」

{{hket:inline-image name="GIGI2.jpg"}}{{/hket:inline-image}}

之前曾提過考完試想同朋友仔一齊去台灣旅行的Gigi，被粉絲問到plan咗行程未，Gigi就表示：「考完試先計劃，如果唔係會分心，同埋會好激動！」

一直好錫fans嘅Gigi，更在直播中揀咗兩位「Gi炎粉」，邀請兩人與她對話。第一位是男fans，一入直播就同Gigi打招呼。呢位男fans非常熱情，除了大曬Gigi幫他簽名的閃卡之外，更主動唱出《好想約你》畀偶像聽，最後更向Gigi表白愛意。Gigi大讚fans唱得好聽。

被稱為「大膽Gi」嘅Gigi一啲都唔怕昆蟲，自爆試過玩曱甴，仲養過兩條蝴蝶「小狐」同「小聶」，由幼蟲到蛹然後變成蝴蝶。佢透露蝴蝶「小聶」破蛹而出，更向「Gi炎粉」展示掛喺樹枝上嘅蛹殼，炎明熹指啲幼蟲係朋友喺佢生日會時送畀佢。而第二隻蝴蝶「小聶」剛好喺昨日羽化後成蟲，之後Gigi將佢放走咗。

見炎明熹北上發展理想唔輸蝕 《聲夢》學員面試《中國好聲音》【下一頁】

撰文：娛樂組