CHILL CLUB頒獎禮丨黃偉文奪「年度填詞人」越洋受訪 講得獎感受哽咽：廣東話歌迷話我作品幫到佢

《CHILL CLUB推介榜 年度推介22/23》的「年度新人女歌手」由COLLAR、雲浩影及吳家忻（kayan9896）囊括金銀銅，惟COLLAR未見蘇芷晴（So Ching）出席，而「年度新人男歌手」金銀銅則由MIRROR成員李駿傑（Jeremy）、ERROR的吳保錡及吳啟洋（Phoebus）獲得。Jeremy上台領獎時台下粉絲尖叫聲不絕，他開心感謝支持他的粉絲和家人。保錡獲獎時一臉激動，他特別感謝公司及花姐沒有放棄自己，「你哋講嘅嘢我放晒入腦，令我做一個有自力更新嘅人，做音樂條路好難行，呢個獎唔係我一個攞，係送畀所有有夢想，同埋所有堅持夢想嘅人，可能會畀人鬧畀人笑，但堅持就一定會有機會。」

同場加映：法言人丨黃嘉樂唔續約TVB老友勁擔心 婚姻出現「小三」強調最愛老婆

{{hket:ul-video id="8158"}}{{/hket:ul-video}}

{{hket:inline-image name="590.jpg"}}{{/hket:inline-image}}

{{hket:inline-image name="508.jpg"}}{{/hket:inline-image}}

「年度填詞人」黃偉文（Wyman）獲駱振偉越洋赴倫敦頒發獎項，大會播出Wyman的訪問片段，Wyman 說：「上年我贏呢個獎時講過，嚟緊想做一個實驗，自己唔係現場去咗遙遠嘅地方，隔咗一年，希望大家可以幫我做咗一個中期檢討。」他指自己從來沒有想過做填詞人，又提到 90 年代在中大社會工作系畢業，但沒有從事相關專業幫助人，是自己30多年來一直耿耿於懷的事。Wyman又透露曾在街上碰見廣東話歌迷，他雙眼通紅哽咽說：「佢哋走來同我講『你嘅作品有幫到我』，呢件事係幫到我好重要釋懷嘅感覺。」他續指無論日後他身在何方，只要廣東歌需要他，他定會繼續努力寫歌，「每一次我聽住demo，拎起枝筆，我都係掛住你。」

{{hket:inline-image name="506.jpg"}}{{/hket:inline-image}}

{{hket:inline-image name="504.jpg"}}{{/hket:inline-image}}

撰文：倪小珊

採訪：黃寶蓮

攝影：林良明