呂良偉坐副駕風騷拍片夫妻恩愛 被指食軟飯太太楊小娟出手維護

現年66歲嘅呂良偉同現任太太楊小娟育有一子，結婚22年仲好初初拍拖嘅小情人咁恩愛，兩公婆經常出雙入對，羡煞旁人。不過日前楊小娟post出一條老公視角嘅片段，竟然引嚟「酸民」嘲笑呂良偉食軟飯。

同場加映： 法言人丨黃嘉樂唔續約TVB老友勁擔心 婚姻出現「小三」強調最愛老婆

{{hket:ul-video id="8158"}}{{/hket:ul-video}}

日前楊小娟同呂良偉遊車河，呂良偉坐副駕拍片，太太負責揸車。呂良偉稱呼老婆為「娟姐」，楊小娟就喺片中對老公講：「帶你出去玩，看你表現好。」呂良偉叫老婆帶佢出海食海鮮，楊小娟一口應承，片中楊小娟揸住逾300萬嘅賓利名車，非常有霸氣！楊小娟留言：「生活就是你哄哄我，我也哄哄你！」

{{hket:inline-image name="119975987_790010495163525_5978850535259715807_n.jpg"}}{{/hket:inline-image}}

夫妻二人恩愛相處，就連名模陳祉妤（原名陳沛嘉）都表示：「看您倆真開心浪漫。」而唔少網民都話好羨慕，留言：「難怪呂先生向傳媒表示娟姐是女人中的極品，漂亮能幹還懂寵夫，羨慕！」不過咁開心嘅畫面竟然都會引嚟惡意攻擊，留言話呂良偉：「吃軟飯我就服你。」夫婦二人未出聲，已經有網民為佢抱不平，反駁：「呂老師會演戲，人年輕有活力！郎才女貌的一位，你個噴子！」而楊小娟都「出手」護夫，除咗Like咗呢位網民留言之外，佢有禮貌咁回覆：「謝謝你。」愛夫之情真係唔使多講。

近年呂良偉主力在內地發展，於內地經商多年嘅楊小娟在政商界都人脈甚廣，亦全力支持老公發展事業。有傳當年呂良偉因為投資房地產搞到負資產，全靠太太支持成功翻身，縱橫商海多年嘅楊小娟為老公提供投資意見，而呂良偉亦曾大讚老婆投資眼光獨到從無失手，外界估計佢身家已達數十億！

圖片來源：Instagram