李璨琛女從未曝光相片輯錄成書 出版商提Lucy媽：唔好諗住賺大錢

李璨琛（Sam）同太太梁志瑩（Sophia）育有兩名可愛囡囡，大女李元元（Lucy）唔經唔覺5歲，而細女李斐斐（Sucy）亦已兩個多月大。Lucy自出世以來媽媽一直都有幫佢將搞鬼生活照放上社交平台紀錄，Lucy嘅可愛加上媽媽嘅生鬼caption，累積咗一大班粉絲。Sophia今日於社交平台宣布出書《露西的微笑》，令一眾粉絲非常期待呀！

同場加映：

法言人丨容天佑兒時跨境上課無阻刻苦練功 望拍劇有用武之地：我好想打

{{hket:ul-video id="8122"}}{{/hket:ul-video}}

《露西的微笑》嘅封面係Lucy喺花叢中爆喊，貫徹阿媽成日整鬼阿女嘅作風，Sophia透露新書收錄咗Lucy從未曝光照片，都有阿女嘅親筆繪畫，同埋阿媽親自書寫嘅手寫文字。Sophia話為Lucy開咗IG帳號後，偶爾會有好朋友提議佢寫書，「話網友鍾意睇Lu其實都鍾意睇你寫嘢」，後來又真係有人上門問Sophia有沒有興趣出書，所以佢就下定決心要做。

{{hket:inline-image name="345138279_715660260249177_4883994791633154040_n.jpg"}}{{/hket:inline-image}}

Sophia拖延症同一絲不苛精神令呢本書由籌備出版搞咗兩年半，佢仲搞笑咁重提第一次同出版商碰面情形，「老闆第一句就跟我說：『你唔好諗住出書會賺大錢喎⋯⋯貪錢李老母吖嘛⋯⋯』我想她大概是被我的負面新聞所影響，另一方面，我想我也是找對了人！」

Sophia又話《露西的微笑》係繼Lucy同Sucy之後嘅第三個BB。佢覺得自己好幸運，因為疫病令香港人喺家中困獸鬥，而Lucy剛巧成為了大家嘅一點點娛樂，她說：「前幾天有個咖啡店老闆上來跟我說感謝，其實我心裏更想說聲多謝你們，給我機會去繼續這些無聊寫caption的樂趣！很高興和讀者們一起度過了差不多五年的光陰，不知道『我們』還有多少個五年，但希望快樂永遠在你們身邊！」

撰文︰娛樂組

圖片來源︰Instagram