李蘊驚悉竇驍下體尺寸掀網民熱話 談傳授造人秘訣：努力啲就係

李蘊早前飛到峇里島，為好姊妹何超蓮和竇驍的世紀婚禮擔任姊妹，見證好友出嫁。而台灣前黑澀會美眉丫頭（詹子晴）亦是賓客之一，她事後在社交平台發文向一對新人送祝福，同時更語出驚人，大爆竇驍有個「大雞雞」，她當時留言：「我記得有一年你（何超蓮）生日，我說我要祝你找到一個又帥又高又疼你、雞雞又大的男人。恭喜你，實現這個祝福了！」引來不少網民爭相探討竇驍的陽具尺寸。

同場加映：法言人丨容天佑兒時跨境上課無阻刻苦練功 望拍劇有用武之地：我好想打

{{hket:ul-video id="8122"}}{{/hket:ul-video}}

{{hket:inline-image name="DSC_1189.jpg"}}{{/hket:inline-image}}

{{hket:inline-image name="DSC_1162.JPG"}}{{/hket:inline-image}}

而李蘊今日與「亞視一姐」薛影儀（阿儀）到尖沙咀出席「愛情對對碰」活動，問到超蓮可會在港補擺喜酒？李蘊表示：「應該唔會，因為所有親友都出席晒，我無收到呢個消息。」她又大讚婚禮地點十分漂亮，而且俊男美女十分上鏡，怎樣拍都好看。由於一對新人謝絕送禮，李蘊惟有送上無限祝福，「希望佢哋白頭到老，快啲生小朋友，佢兩個咁靚，生出嚟嘅小朋友一定好睇，同埋佢哋都好鍾意小朋友。」

{{hket:inline-image name="YYTGFF_600.jpg"}}{{/hket:inline-image}}

育有一子一女的李蘊可會傳授造人心得？她笑言：「邊有得傳授㗎，努力啲就係。（竇驍夠努力？）佢當然好努力先娶到個靚老婆。」對於丫頭暗示竇驍下體巨型？李蘊聞言一臉尷尬反問：「咩呀？」又反應甚大表示：「你問我，我點知呀？（應該好強壯？）佢個人好高大。」

{{hket:inline-image name="DSC_1061.JPG"}}{{/hket:inline-image}}

{{hket:inline-image name="DSC_1152.JPG"}}{{/hket:inline-image}}

薛影儀今日獲安排乘坐林寶堅尼到場，又有外籍型男送上鮮花，派場十足。本周二（2日）39歲生日的她，透露跟朋友慶生時玩選美遊戲，自己戴上后冠扮亞姐冠軍，而生日願望是開開心心，努力上進及賺多點錢。問她是否想盡快拍拖？阿儀表示：「吓，唔係呀，拍拖都要使錢㗎嘛，想自由啲。（唔想搵一個白馬王子咩？）唔搵喇，專心工作。」其新歌《一加一等於阿儀》MV有達近150萬次瀏覽，亦帶挈她四出登台搵真銀，令她開心不已，相反同期推出新歌《百合匙人生》的李蘊，其網上點擊僅2萬多，她表示感到慚愧：「希望大家畀多啲點擊我，阿儀好犀利，我都要向佢學習。」

{{hket:inline-image name="DSC_0962.JPG"}}{{/hket:inline-image}}

撰文：倪小珊

採訪：梁紹明