曾志偉34年前《小小小警察》神預言 警隊招募取消163cm身高要求

香港警隊「搶人才」！警方宣布由本周五（5日）開始調整3項入職要求︰包括與其他紀律部隊看整，取消入職的身高及體重要求，以及可配戴矯視工具（眼鏡／隱形眼鏡）進行視力測試，同時新增警員的中／英文筆試，通過筆試的投考者被視為已合乎語文水平的要求。

同場加映：

法言人丨蔣祖曼硬朗外表掩蓋真性情 爭取時間陪仔女：相處似家姐

{{hket:ul-video id="8125"}}{{/hket:ul-video}}

原本加入警隊要求男性最少要高163厘米，重50公斤；女性最少高152厘米，重42公斤，警隊表示經審視香港現今社會環境，認為身高、體重嘅要求，對現今警務工作的相關性相當有限，因此警隊將會與其他紀律部隊的規定看齊，取消警員、見習督察及輔警入職的身高、體重要求。有關新聞引起公眾熱烈討論，有人指出當年曾志偉自導自演嘅《小小小警察》係「神預言」。

{{hket:inline-image name="6.jpeg"}}{{/hket:inline-image}}

《小小小警察》講述曾志偉飾演嘅李志堅於一個犯罪世家成長，但佢志願係成為警察，遭父母（黃光亮、夏志珍）以粗口辱罵。返到學校，佢同老師（陳奕詩）講志願係做賊，又因此被打手板，佢覺得左右做人難。終於長大後一次過馬路時，李志堅被交通警（劉德華）救咗一命，令佢決定喺國際傷殘日投考警隊，以身材矮為小缺憾成功獲聘。唔少網民都話，估唔到現實中，身高163cm以下嘅朋友都有一日唔使靠國際傷殘日都可以入到警隊呀！

1989年公映嘅《小小小警察》由曾志偉自組嘅「兒童城」製作，卡士相當強勁，可以話入去戲院數星星都抵，不過票房就未算太理想，大約有570萬左右。由於版權問題《小小小警察》喺香港只曾由海岸發行過VCD。2008年「香港國際電影節」其中一個環節為「曾志偉作品回顧展」，此片都係11部放映電影之一。

其實曾志偉曾多次扮演警察，除咗《小小小警察》之外，佢喺電影《刑警兄弟》中都着上警察制服。另外喺《三岔口》中演警隊「失蹤人口調查科」便衣警才叔；或者着便衣就冇咁覺眼，有觀眾指曾志偉身高唔符合警隊要求，睇到好「出戲」呀！不過而家就唔怕喇，估唔到警隊呢個「德政」，演員都會受惠，以後再冇框框喇！

撰文：娛樂組