《東張西望》昨日報道一單家庭糾紛，83歲陳婆婆雖然年紀老邁，不過非常精靈行得走得，竟然被「軟禁」在老人院不得外出？陳婆婆有六名子女，在入住老人院期間懷疑遭大女、三女和三女的兒子偷偷將物業轉名，令屬於她的出售公屋單位都被侵佔。單位屋外貼上告示，指戶主名字是大女及三女兒子，警告不要進入或開鎖，陳婆婆有家歸不得。
同場加映：法言人丨容天佑兒時跨境上課無阻刻苦練功 望拍劇有用武之地：我好想打
東張西望│107歲陳婆婆超精靈元朗爆紅 退而不休麵檔做收銀自揭養生秘技【下一頁】
陳婆婆的二子、四女及五子接受訪問，他們均表示媽媽揚言要賣樓只是嚇唬，事實上大家對物業都珍而重之，他們希望跟大家姐和三家姐直接對話，可惜對方完全不接電話。《東張西望》主持人林映輝用其他電話再致電，雖然接通，不過當一聽到是節目來電的查詢時，大女楊女士和三女的兒子蘇先生均立即收線。
事隔十多日，陳婆婆收到大女的電話，節目將電話內容公開，陳婆婆直斥大女一直不肯接電話，不過大女電話中都拒絕承認，反指陳婆婆經常擅自離開院舍。
陳婆婆：屋又霸埋我嘅，又唔畀我入屋...（邊有唔畀你入屋呀？）出咗去冇得入呀！
楊女士：你做乜出嚟呀？你咪打電話畀我哋囉！
陳婆婆：你都唔聽我電話，仲講？點解你取消我個戶口呀？淨番你同銘仔（三女兒子）兩個做戶主呀？
楊女士：你哋再搞搞震，一齊拉埋你哋上差館！
陳婆婆：咪一齊坐（監）囉！件事你搞出嚟嘅！
楊女士：坐監囉，我無所謂呀！你搞到《東張西望》嚟搵我，你哋係咪傻呀？
陳婆婆：你係傻呀！你取消咗我個戶口！
楊女士：呢兩日差佬打畀我搞到我都傻呀！
陳婆婆：間屋係我哋呀嘛！六個仔女個個都有份呀！
東張西望丨報道元嶺村收過路費糾紛被兇 李旻芳超淡定勸解：其實驚到手震【下一頁】
楊女士起初用申請高齡津貼為由，將物業的名字轉到自己名下，但其實物業只要是自住的根本就可豁免，根本不會影響申請，而事後她更成為陳婆婆在老人院舍的保證人，禁止所有人帶陳婆婆外出，其他仔女想帶她到樓下公園散步都不可以。陳婆婆的孫女心痛嫲嫲人身自由被剝奪，主動發聲，更是唯一一名不需要打格仔出鏡挺身而出的人，「我真係好想知佢哋點對得住自己良心，到底佢哋咁對嫲嫲夜晚係咪真係瞓得著？」
家人坦言對物業擁有權不抱有任何期望，只望可以撤走楊女士保證人的身分，讓家人可以多探望陳婆婆或者帶她外出，四子說：「如果你哋要唔孝順嘅，唔緊要，搞掂件事後，阿媽嘅事以後我哋理，生養死葬我嚟！」、「你想保證人轉番個名，將身分證畀番阿媽，阿媽嘅事以後我哋理，我哋幾兄弟姊妹去理，唔使你哋去理，放心啦！」
網友們見到今次個案都反應極大，指斥大女、三女和三女兒子冷血，「呢個大女真係x街到唔恨，明明自己唔啱仲大條道理，會有報應！」、「善惡到頭終有報，多行不義必自斃！」、「大女個態度就擺到明無賴呃樓，連裝模作樣都唔做，希望婆婆成功爭番層樓兼告到佢哋坐監。 呢啲人渣唔坐監都唔識驚。」、「佢哋兩姊妹點對阿媽......佢哋啲仔女將來必會咁對佢哋..................報應必定會嚟!!」、「老人家仲在生，點解咁無人性」、「大女同三女想激死老母？？唔使打格仔啦，等全港市民睇清楚果啲衰樣！」等等。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
撰文：娛樂組