阿嬌激瘦「任性」素顏合照勁sharp 肥瘦無損顏值五官比例完美

現年42歲嘅阿嬌鍾欣潼，由22歲出道到而家都一直係標準天然美女樣，不過就經常因為體形變化而成為大眾關注點。由以前被指「田徑腳」，到後來用醫美改善腿形，到早前又被指體形暴肥；近日又瘦到得番半個人嘅阿嬌，再成為網民茶餘飯後話題——大家都認同一點，就係阿嬌無論點肥點瘦，都係五官精緻嘅超級靚女。

同場加映：

馮素波名氣總被比下去視為透明 釋懷更珍惜家人：每次見面當惜別

{{hket:ul-video id="8063"}}{{/hket:ul-video}}

曾經脹爆嘅阿嬌自從北上參加《乘風破浪3》後減肥成功，平日佢同英皇一班兄弟姊妹各有各忙，難得阿嬌與阿Sa蔡卓妍、容祖兒一同與老闆楊受成、楊太陸小曼和Mani霍汶希等英皇高層聚餐。阿嬌不常更新IG，佢發文貼出合照留言：I LOVE my family. 佢穿上一件露膊牛仔裙，露出迷人鎖骨再曬腿，感覺非常青春有活力，而且仲係素顏上陣，真係冇咁上下靚都唔可以喺其他明星隔籬唔化妝上陣都仲撐得住，非常「任性」！阿嬌又輕鬆勝一仗。

{{hket:inline-image name="102.JPG"}}{{/hket:inline-image}}

唔少網民留言，大讚阿嬌靚到驚人，得天獨厚：「阿嬌是素顏嗎？簡直是美到武則天守寡——失去李治（理智）」、「啲五官真係好靚」、「好靚女！面形、髮線、五官都完美」、「真係好靚，好羨慕」、「邊有人40歲仲可以五官咁精緻」。都有人認為阿嬌又瘦得滯︰「阿嬌咩事？瘦到得番棚骨」。

其實阿Sa曾經親揭阿嬌舊年暴肥原因，表示：「其實佢好健康，係荷爾蒙失調...始終都係女仔嚟，呢啲嘢唔講太多，驚畀壓力佢，至緊要係開心同健康。」睇嚟阿嬌而家已經調理好身體，真係乜都假，最緊要健康！

撰文︰娛樂組

圖片來源：Instagram