陳寶蓮遺孤霎眼21歲出道做Rapper 邱煌禕遺傳媽媽Model身形似韓星

已故女星陳寶蓮2002年誕下兒子不足1個月後於上海寓所身亡，終年29歲。有指陳寶蓮嘅遺孤由台灣金牌經理人邱瓈寬（寛姐）收養，寬姐視佢如己出，而仔仔亦隨養母姓邱，全名叫邱煌禕（Don Don）。

同場加映： 聲夢傳奇｜冼靖峰挑戰快歌擺脫慢情歌王子形象 同屆學員各有發展：與自己比較

{{hket:ul-video id="8075"}}{{/hket:ul-video}}

眨眼間，邱煌禕已經21歲，生得相當靚仔，仲遺傳咗阿媽陳寶蓮嘅模特兒身形，讀高中時身高已達1.83米，係一名籃球健將。邱煌禕18歲時被爆開始拍拖，在個人社交網上放閃，更被指貌似型男柯震東。近年邱煌禕的打扮愈來愈型仔，左手全臂及右腳小腿都有一大片紋身，有網民留言讚：「Cool guy ❤️」。

{{hket:inline-image name="WA.jpeg"}}{{/hket:inline-image}}

之前已經有傳佢有意加入娛圈，不過就被寛姐阻止，年前最終都係低調加入台灣本土Hip-hop組合 「YO MOB」，與幾位志同道合嘅年輕人一齊做Rapper出道。據悉組合在2021年已成立，並發行過幾首歌曲，惟關注度較低，樂隊的IG賬戶只有約1400位粉絲關注，而邱煌禕嘅IG個人專頁亦不足700位粉絲。

陳寶蓮係家中獨女，4歲時父母離婚，由外婆撫養長大，17歲參選亞洲小姐而入行。陳寶蓮曾接拍《聊齋三集之燈草和尚》、《我來自北京》、《五月櫻唇》等多部三級片，性感冶艷形象令人印象深刻。陳寶蓮感情生活波折重重，曾與莫少聰、黃子揚拍拖，戀情無疾而終，後來認識台灣富商黃任中，二人以「乾父女」相稱，曖昧關係一度成為熱話。陳寶蓮的精神狀態不太穩定，曾服藥自殺不遂。後來有指陳寶蓮認識美籍華僑DJ，意外懷有對方的孩子，結果兒子出生不足一個月，陳寶蓮便離世，令人惋惜。

圖片來源：Facebook