汪小菲同前岳母「復合」大S冇影 三個字稱呼S媽：家人永遠是家人

台灣女星大S徐熙媛同前夫汪小菲不歡而散，有傳汪小菲出軌內地女星，大S主動提出離婚。汪小菲同佢媽媽張蘭連月嚟不時隔空鬧爆大S，大S全家個個中槍，大S就訴諸法律，雙方可以話係「搲爛面」。不過劇情又突然峰迴路轉，汪小菲近日兩度赴台，幫9歲愛女慶生，仲特別時隔近一個月更新微博，上傳一段1分鐘的影片，片中仲用3字稱呼S媽「泯恩仇」，睇到全部人都跌眼鏡。

同場加映： 馮素波名氣總被比下去視為透明 釋懷更珍惜家人：每次見當惜別

{{hket:ul-video id="8063"}}{{/hket:ul-video}}

汪小菲微博發文：「家人永遠是家人，玥兒的生日，爸爸絕對不會缺席」，1分鐘慶生Party影片中，汪小菲表示：「家人永遠是家人，今天是玥兒的生日…我後天就回北京了，今天特別開心給我女兒過生日。」大S雖然唔在場，但S媽就有參加聚會，汪小菲更稱呼對方為「丈母娘」（岳母），S媽聽到之後露出甜笑。

{{hket:inline-image name="Wha.jpeg"}}{{/hket:inline-image}}

內地網民睇到呢個畫面，冇覺得溫馨不特止，仲覺得非常「跳掣」，留言：「哈哈哈哈不要太離譜」、「一整個大無語，我以為幾年前的視頻」、「讓人匪夷所思，是忘了自己已經跟大S離婚了？忘了因為生活費問題，你倆對簿公堂的事情了？」、「真的有點搞不懂了，之前還大罵S媽媽」。不過都有人撐佢咁稱呼S媽冇問題：「叫前丈母娘也太尷尬了吧！說玥兒外婆也可以。但是北方人很怕别人覺得自己翻臉無情！所以畢竟是長輩就不會特意去改變稱呼！我能理解。」

汪小菲上一次赴台時都係叫S媽「丈母娘」，S媽亦覺得冇問題，表示：「當然啊，我們就是永遠的家人」，並透露帶小朋友搵汪小菲係大S嘅意思，但大S跟汪小菲冇和解空間：「我都想揍她們，但熙媛婚都結了，就像水果吃進肚子還能吐出來嗎？我當然希望他們好聚好散，但不是我能做主」。大S徐熙媛同韓團「酷龍」成員具俊曄結婚時，S媽曾揚言拒見新女婿，雖然見面後S媽讚具俊曄雖言語不通但非常有禮貌，但就話「有多愛2個外孫就多愛那個女婿」，表明更鍾愛汪小菲。

撰文：娛樂組