星光路上丨李泳豪做童星常拍喊戲全靠媽媽 爆湯盈盈催生B急轉手囡囡衣物

在處境劇《愛回家之開心速遞》中飾演初戀Cafe豪仔的李泳豪，近日接受《星光路上》主持人潘盈慧的訪問，大談由童星年代到現在近36年的演藝事業發展。泳豪的媽媽施明去年年底不慎跌倒入院，接受開腦手術保命，現時正在康復中，原來媽媽對兒子的演藝工作幫助極大。

同場加映：

聲夢傳奇｜冼靖峰挑戰快歌擺脫慢情歌王子形象 同屆學員各有發展：與自己比較

{{hket:ul-video id="8075"}}{{/hket:ul-video}}

愛回家丨豪仔突爆有未婚妻到底係邊個？ 曬老表聚會合照位位都係星二代【下一頁】

{{hket:inline-image name="ho1.jpg"}}{{/hket:inline-image}}

{{hket:inline-image name="800_eb0a4152c88e3e7c218c283c7ee32e8csaasftp20200221_600_600.jpg"}}{{/hket:inline-image}}

李泳豪坦言爸爸李家鼎和媽媽施明都是演藝圈出身，定必受到他們的影響，小時候已經好鍾意睇戲，稱︰「我讀嗰間幼稚園喺九龍城，當年住清水灣，路程太遠，爸爸拍緊《香港'81》至《香港'86》，有時中間就會揸車湊我返廣播道，工作人員好錫我，買嘢食畀我，我坐喺度睇佢哋做戲，好鍾意個環境，好舒服。」他表示當時父母會租影帶回家看，在電影《全家福》入面有位童星小彬彬，演得非常出色，當時媽媽問他是否可以做到？泳豪相當有自信說一定可以！

直至有一天，李泳豪跟爸爸到清水灣電視城工作，同監製傾偈時，對方表示想開一套《赤腳紳士》劇集，正煩惱找一名童星演呂方的角色的童年，泳豪︰「當時我自薦舉手，就開始試第一套劇，仲好記得係1985年，因為正準備入讀小學。爸爸唔睇好，因為劇情講走佬，要不斷要碌地沙，我反而覺得好過癮，所以繼續拍落去。媽媽當然都唔想，因為見到我咁會心痛。之後拍啲戲，反而媽咪成為咗我嘅導師，我細個好黐媽咪，媽咪就會代入其他角色教我點做對手戲。」他表示《靜待黎明》的一場喊戲，跟飾演媽媽的陳敏兒對戲，同樣全靠施明教他怎麼代入自己生活，去演戲，演活角色。

愛回家丨「綠帽俠」豪仔大反擊要派帽？ Elaine飛逼婚Andy主動投懷送抱【下一頁】

{{hket:inline-image name="ho8.jpg"}}{{/hket:inline-image}}

{{hket:inline-image name="335622127_668408468390180_6108532336123856613_n_600.jpg"}}{{/hket:inline-image}}

李泳豪坦言童星時代演得較多苦情戲，最難忘《誓不低頭》在法庭外追車，「最深刻當然係同鄭少秋秋官做對手戲，而家佢見到我，仲係叫我『阿仔』，而且陳立品好錫我，大家好似一家人咁。細個當然唔識得點樣進步，劇入面個個都係勁人，加埋黃日華，成個配套好高質素，就自自然然吸引入去，唔使諗點做。」他感激韋家輝當年指定用他，拍攝不少劇集後，問到為何會停拍？他說：「尷尬期，長大後開始變聲同怕醜，所以專心讀書，自己鍾意電腦，所以讀咗電腦graphic design同硬件課程，亦主修過舞台系，結果因緣際會...同一位前輩飲茶時傾開，問我想唔想拍電視劇，之後又返TVB。」重返電視圈後，可惜角色的發揮大不如前，他曾經為別人的抨擊而感到失落甚至抑鬱，慢慢學會選擇聽取評價，不希望帶著情緒演戲，專心工作。同時感激王心慰在他人生低潮時找他演出個案人物，讓他第一次飄移，拍攝飛車戲份。

{{hket:inline-image name="Snapin.jpg"}}{{/hket:inline-image}}

{{hket:inline-image name="Sn.jpg"}}{{/hket:inline-image}}

去年結婚迎娶太太Agnes，李泳豪大讚她性格率直正面，「多謝佢嘅出現，可以令我再上一個層次，（生小朋友？）生呀！努力緊，唔止你催我，呂慧儀、湯盈盈、姚瑩瑩同鍾志光人人都催，湯盈盈仲話有堆囡囡衫可以畀定我，我想生兩個，最好一次過雙胞胎，唔使太太咁辛苦！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

撰文：娛樂組