盤點藝人中學Look丨Patrick Sir鄭嘉穎齊齊食防腐劑 施焯日自爆瀨屎「真空上陣」考試

唔少藝人為咗幫昨日正式開考嘅DSE學生打氣，於個人社交網展示中學時期嘅照片，即刻見到邊個係由細靚到大，邊個係醜小鴨變天鵝。佢哋除咗分享舊照，有啲人仲分享當年應考嘅趣事，並以過來人身分提供應考貼士及放鬆秘訣。

同場加映：

第41屆香港電影金像獎丨呂爵安粉絲安排遊艇成大會背景 蝦頭谷胸現身性感尺度贏林明禎

{{hket:ul-video id="8031"}}{{/hket:ul-video}}

洪永城post佢嘅「反叛」樣中學照勉勵考生，稱︰「呢期成日同人講人生係冇標準答案，考試就真係有喇！細個讀書麻麻哋，屋企人對分數嘅要求亦都唔係咁高，大個咗就知賴嘢，成日分心，養成唔夠專注。所以專注呢兩日做好一件事，手機、遊戲擺埋一邊，生活所有其他嘢清空佢，搞掂呢壇嘢之後再慢慢玩，你得嘅，努力！」

{{hket:inline-image name="17.jpeg"}}{{/hket:inline-image}}

而Patrick Sir都有post佢嘅出土學生相，仲有同當時係偶像歌手嘅鄭嘉穎、李國祥合照，Patrick Sir當時正值中六，雖然年紀相若，以舊制考試嚟講佢已經考完會考喇！Patrick Sir留言鼓勵大家，「各位應屆DSE考生，緊張嘛？緊張就啱喇！因為識得有少少緊張，即係你認真對待。因為你認真對待考試，你就會留意細節。因為你留意考試細節，出錯機會就減少。所以有少少緊張嘅人，多數都係考得好。」

Arthur（施焯日）分享嘅應考經歷最為驚爆，當年死忍肚痛最終「失禁」收場，「有次唔記得考咩超緊張！而我一緊張就會肚痛但又驚遲到，所以就諗住考咗試先算。點知開考咗五分鐘，我就忍唔住要去廁所，去緊廁所中途已經解決咗一半，之後就冇著底褲考試！」

另外，「學霸」布樂文分享自身經歷鼓勵大家，JB仲係學生時已投身演藝界，現正修讀工商管理學士（工商管理學士綜合課程）及法律博士雙學位課程，意志力及實力均相當驚人！布樂文中學時期不但是學校足球隊隊長，也是香港學校戲劇節傑出演員獎及香港傑出學生。JB以自身經歷勉勵應屆考生，說︰「你而家可能覺得好迷惘，唔好感到太無助，呢個只係你人生一個小關卡，相信自己吧！唔好攞自己同人比較，因為每個人條路都唔同，只有你自己先最清楚乜嘢最適合你。」

當中Honey（何泳芍）中學時同而家一樣笑容甜美又青澀，而Venus（林沚羿）、Jessica（廖慧儀）則有可愛Baby Fat，人見人愛。倪嘉雯（Carmen）就對自己當年中學Look不太滿意，留言：「畀張我中學嘅相大家睇吓，等大家放鬆一吓。」

撰文：娛樂組

圖片來源：Instagram