遭網民爆鏡頭前後兩個樣態度差 鍾嘉欣為「雙面人」親自回應

鍾嘉欣去年在加拿大佗住三女Anika期間，有網民透露在溫哥華巧遇她，上前欲合照，可是鍾嘉欣被同伴催促走人；有關文字上載後引發不少人留言討論，陸續有人加入爆料，聲稱遇上類似情況，遭鍾嘉欣毫不親民地拒絕合照。同時有工作人員話佢態度差，形容鍾嘉欣是「雙面人」，鏡頭前後兩個樣。

同場加映：

邵卓堯演奸角駕輕就熟望加深層次 離婚後跟前妻女兒保持良好關係

{{hket:ul-video id="8014"}}{{/hket:ul-video}}

{{hket:inline-image name="20230420123755.jpg"}}{{/hket:inline-image}}

{{hket:inline-image name="chungkayanlinda_321319885_484494410262810_4629468506480856693_n.jpg"}}{{/hket:inline-image}}

近日鍾嘉欣一拖三返港，出席好友楊茜堯大女的生日會，昨晚（19日）就去柴灣拍攝代言的美容產品廣告。記者追問拒絕合照事件時，她說：「我諗人生裏面，個個都會遇到一啲鍾意你嘅人，同唔鍾意你嘅人，自己只可以繼續做好自己。識我嘅人，愛錫我嘅人就會知道我係點樣。其他嘅嘢，我覺得唔需要特別回應，沉默就係最好嘅回應。」

《家好月圓》RE-U︳楊茜堯羅子溢大女3歲生日會 鍾嘉欣一拖三閃現送驚喜【下一頁】

提到明年4月是入行20周年大日子，鍾嘉欣：「時間飛逝，一眨眼就20年，唔再係嘉欣BB。我嗰日登台喺台上話不如開個演唱會，係『吹水』咋，都係亂『吹』。（有冇機會開？）就算開一場演唱會，要籌備嘅嘢真係唔容易，暫時覺得自己未準備好，21周年演唱會可能得，20周年急咗少少。希望大家等待吓，我知道有好多人陪住我成長，希望有日可以唱番歌，我好鍾意唱歌。」

（↓點擊放大睇圖片↓）

至於是否再拍劇集？鍾嘉欣：「唔知呀，隨緣啦，暫時冇諗。（有冇戲癮？）有！我成日喺屋企自己吟吟沉沉，揸緊車冇人見到我就扮拍戲。我仍然好鍾意演戲。人生有唔同階段，而家第一位一定係家庭。（TVB搵你拍劇？）任何工作都open，其實好睇feeling，想做就做，人大咗冇諗咁多嘢。」其實你都係39歲啫。

撰文：娛樂組

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】