攝理教特輯丨方力申女友爆遭性侵後難搵工 Maple崩潰嚎哭父親忍痛安慰

上月Netflix上架嘅韓國節目《以神之名：信仰的背叛》是由MBC製作《PD手冊》嘅導演曹聖鉉執導，揭露4個韓國邪教嘅事跡，其中一個「攝理教」單元以真身出鏡嘅受害人，係方力申女友葉萱（Maple），佢自爆被攝理教教主鄭明析多次遭性侵，掀起一陣哄動。

同場加映：

邵卓堯演奸角駕輕就熟望加深層次 離婚後跟前妻女兒保持良好關係

{{hket:ul-video id="8014"}}{{/hket:ul-video}}

昨晚《PD手冊》（18日）播出特輯，訪問多名受害人及Maple，後者指在《以》的內容只有十分之一。當中鄭明析嘅女信徒鄭祖恩，被爆負責培養服侍及討好鄭明析，經常向信徒灌輸鄭明析係救世主嘅信息。Maple憶述鄭祖恩曾經安排佢「侍寢」鄭明析，被性侵後對鄭祖恩傾訴，鄭祖恩就指佢係獲得寵愛。

Maple從早到晚被洗腦，所以冇反抗。指過往好疼錫佢嘅女信徒於受查時講嘅嘢同事實不符，令佢感到被背叛，「她們說我講大話，說鄭明析從來沒有講自己是救世主，還說是我自己進入他的房間！」

{{hket:inline-image name="bkn-20230419105000408-0419_00862_001_05p.jpg"}}{{/hket:inline-image}}

Maple指節目播出後香港有唔少相關報道，雖然收到鼓勵，亦因此令佢求職困難，稱︰「現在好難找工作，本來說會聘請我的公司，看了新聞或節目之後，都說很難聘用我。」又再解釋決定公開自己樣貌嘅原因，「如果我不公開自己的樣子，他們又會質疑我說謊，會說是用錢來請人拍攝，就會繼續有受害人出現！我希望親自將真相告訴大家，在我死之前一定要做的事就是控告那個人，將真相公諸於世。」

Maple媽媽一邊睇節目一邊喊，甚至難受到冇辦法睇落去，Maple指父親曾向佢講對唔住，「他不知道原來我是這麼辛苦。」佢受訪時一度崩潰爆喊，父親在旁安慰，其父受訪時表示：「假如要我說我女兒經歷了甚麼事，我覺得是在侵蝕我的生命，好痛苦，與此同時我很尊敬我的女兒，即使她要忍受那麼大的痛苦，依然有勇氣站起來。」

撰文︰娛樂組

圖片來源：截圖