時刻警剔｜「迷魂黨」疑殺入將軍澳坑口 6旬父險中招 港女揭作案手法：一類人要更小心

「迷魂黨」近日疑重出江湖，繼有內地姊妹行尖沙咀遇「迷魂黨」後，再有將軍澳男街坊疑遇上，險些「中招」。事後，該名男街坊的女兒在網上發文，詳述疑人作案手法，並提醒一類人要更小心，「防人之心不可無，好過你有機會無財又無命！」

同場加映：

Healthy Life｜草根成長Band 5出身 睹父親捱壞身體奮發讀醫 黃麗珊盼用「陽光」照亮腫瘤科

{{hket:ul-video id="8019"}}{{/hket:ul-video}}

「迷暈黨疑已殺入坑口！」該名港女周日（16日）在Facebook群組「將軍澳主場」發文，指其6旬父親當晚7時45分在坑口放工，準備到重華路巴士站搭車回家；行至距巴士站20米左右，一名揹著入睡小朋友的女子突然走到爸爸面前，用普通話問：

「可不可以買點吃的給我？」

港女續指，其父當刻立即警覺，沒有回應並行開，加快腳步走向巴士站多人位置，

「個女人都即轉身向相反方向走，我爸望到遠處仲有兩個中國籍男子明顯係同黨。」

她又提及，「迷魂黨」一度活躍於尖沙咀廣東道、海港城一帶，通常幾人成行，但只會有一人直接接觸目標；疑人不會直接要錢，會待目標降低戒心後，隨後目標便會聞到一陣香味，繼而暈倒。此時，同黨便會上前假扮扶目標至一旁，然後趁機洗劫一空，

「今次好彩我爸醒水，因為曾經聽過有人中迷暈（魂）黨後，2日後突然死咗，所以各位街坊要小心！尤其係單獨一個人行街嘅時候要更加小心！」

最後她補充，事件亦有可能屬誤會一場，但認為防人之心不可無，「佢（疑人）食少一餐，好過你有機會無財又無命！」

此事引來網民熱議，有街坊表示有家人亦曾遇上類似事件，但亦有人質疑港女「惟恐天下不亂」：

對於種種質疑，港女無奈表示：「其實我只係將我爸嘅經歷講出嚟，都係想提點吓大家......信又好唔信又好，希望你哋同家人唔會經歷到。」

內地姊妹行尖沙咀遇「迷魂黨」

有內地女子早前與妹妹一同來港旅遊，往海港城一帶行街期間突遭一名衣著光鮮的大媽主動搭訕。對方自稱輸光身家要兩姊妹「請食飯」，期間兩姊妹就聞到一陣濃烈香水味，相隔2分鐘雙雙頭暈腳軟，幸而二人及早發現有問題而離開現場，否則或招致巨大損失。

{{hket:inline-image name="m1.jpg"}}{{/hket:inline-image}}

迷魂黨｜內地姊妹行尖沙咀遇「迷魂黨」 遭大媽搭訕聞香水味2分鐘即暈，詳情即睇：【下一頁】

U Lifestyle App睇盡《晴報》新聞資訊及自家節目 
↓↓同步更新、更快更順↓↓
【免費下載】

每朝索取《晴報》：精明生活．健康家庭．開心娛樂