何超蓮竇驍婚禮三房全體缺席 峇里出閣賭王嫁女有咩回禮？

賭王三房千金何超蓮同內地男星竇驍聽日將會於峇里舉行婚禮，事前超蓮廣邀圈中朋友，不過有傳賭王「三房」，超蓮親母陳婉珍、姐姐何超雲及弟弟何猷啟將全體缺席。

同場加映： 邵卓堯演奸角駕輕就熟望加深層次 離婚後跟前妻女兒保持良好關係

{{hket:ul-video id="8014"}}{{/hket:ul-video}}

拍拖近4年的何超蓮同竇驍修成正果，有傳何家三房將唔會到峇里參與婚禮，有指超蓮和竇驍一直唔想搞高調嘅豪門式婚禮，只想同摯愛親朋低調共度浪漫人生時刻，不過雙方親友眾多，為免大家舟車勞頓，以及掛一漏萬，在雙方家長同意下，最後決定峇里婚禮只邀請好友，稍後返港先低調宴請親友。現時身在香港的三太，據知早前到了北京跟竇驍父母見面，而超蓮好友王灝兒（JW）、佘詩曼等原本獲邀到峇里，但因拍劇而未能前往。

{{hket:inline-image name="0025I6GDgy1hcglodm1vqj637k252hdu02.jpg"}}{{/hket:inline-image}}

另外，開始有唔少現場相片曝光，有到當地旅遊嘅人野生捕獲何超蓮同竇驍，其中一張相見到超蓮着上非常簡約嘅婚紗，露出白滑玉背；而另一張相就見到竇驍好用心咁為場地佈置打點，所有嘢都「蓄勢待發」。而唔少人都好好奇，賭王嫁女會有咩架勢回禮，超蓮同竇驍都貫徹佢哋唔浮誇嘅作風，送出護膚香水套裝同埋印有佢哋Q版公仔嘅睡眠套裝，實用得嚟亦一啲都唔失禮！

超蓮竇驍喺回禮附上心意卡：「玲瓏骰子安紅『竇』，喜結『蓮』理共白頭。Hello我們要開啟新的人生篇章啦～很高興能和大家分享我們的喜悅。我們將共擔風雨同沐陽光，成為彼此更好的人。感謝大家一路以來的陪伴和支持。doudou（竇竇）&dada（Linda）上。」

撰文：娛樂組