林志豪與《精武門》女友萬綺雯合體 52歲「閘北仔」依舊靚仔似陳曉東

大家仲記唔記得「石井英明」同「閘北仔」？日前，張文慈post出一張同內地好友嘅合照，相中一位男士熟口熟面，原來就係前亞視演員林志豪，唔少網民都留言表示回憶即刻返晒嚟！

同場加映： 林子善獲黃子華教路喊出未來 淚謝伯樂扶持：劉佩玥係我幸運星

{{hket:ul-video id="7952"}}{{/hket:ul-video}}

張文慈post出同朋友合照，留言：「開心之旅又結束了！捨不得 捨不得～好朋友不需時刻聯絡，掂記在心，見面依然如故，到八十歲還要在一起去玩哦！」相中其中一位男士靚靚仔仔，原來就係演員林志豪。如果喺九十年代睇過亞視套《精武門》嘅朋友，都應該會記得劇中有個要配音嘅靚仔飾演「石井英明」，比主角甄子丹更搶鏡。

{{hket:inline-image name="1.jpeg"}}{{/hket:inline-image}}

來自台灣嘅演員林志豪喺香港出道，九十年代中期受亞視力捧。除《精武門》飾演萬綺雯的日本男友石井英明，另一套為人熟悉嘅就係《千王之王重出江湖》嘅閘北仔，以及《我和殭屍有個約會II》。後來佢就返咗台灣發展，參演唔少電視劇。

近年長駐內地發展，電視劇以外抖音都會見到佢蹤影，52歲嘅佢外貌年青，樣子有頗大變化，現時就有啲似另一型男陳曉東。至今未婚嘅佢身世比電視劇更「狗血」，12歲時先知道自己係養子，媽媽其實係佢舅母。林志豪養母患有腦退化症，而長姊患癌離世，由於佢有兩個物業係林志豪養母名下，其他家人怕林志豪會爭奪業權，事件鬧上法庭，林志豪落淚簽下斷絕母子關係文件，只希望將來養母離世時可以給佢回去送別嘅權利。

撰文：娛樂組