Winka@COLLAR發高燒赴電台訪問遭圍插 梁嘉琪急戴口罩被讚真性情

Winka@COLLAR（陳泳伽）昨天（11日）現身商台森美、小儀及梁嘉琪主持的節目《早霸王》，不過Winka去到現場先話自己發燒到38.8度，而一眾主持人都被蒙在鼓裡，當刻先知！唔少網民都大鬧佢罔顧公德，出街播毒呀！

同場加映： 林子善獲黃子華教路喊出未來 淚謝伯樂扶持：劉佩玥係我幸運星

{{hket:ul-video id="7952"}}{{/hket:ul-video}}

Winka走入直播室後，聲沙沙話自己38.8度，3位DJ聞言即時「吓」咗一聲，森美緊接道︰「唔係嘛！冇事嘛？」小儀及嘉琪立即大叫「口罩！口罩」，小儀就補充指Winka本身都有戴口罩。森美再問Winka所指嘅「38.8」係指咩，係咪身體不適，Winka表示佢前一天已經係咁。森美就叮囑佢小心身體，因為而家正係流感季節呀，Winka就回答：「我唔肯定。」森美忍唔住講：「你唔使肯定，我幫你肯定。」小儀就表示佢而家嘅症狀，好大機會係患上流感。

{{hket:inline-image name="310993685_2291944847623014_2655662989356318309_n.jpg"}}{{/hket:inline-image}}

森美之後就話︰「陰功，辛苦你啦，都要你上嚟！你唔介意，我哋戴番口罩就得喇！」Winka就連聲表示唔介意，森美又話佢哋頭先嘅反應太冇禮貌，更爆嘉琪立即戴咗3個口罩，嘉琪亦連聲致歉。

其實Winka前晚已經甫探熱針相，分享發38.5度高燒，當時仲留言：「嚇我唔到的！明天一定會更好」。唔少網民之後湧入《早霸王》Facebook專頁留言，批評Winka欠缺衛生意識：「發燒發到38.8度就應該喺屋企休息吓，仲要on air先講，3個主持人都即刻戴番口罩！」、「病就留番喺屋企啦！」、「佢真係一啲衛生意識都冇」、「真係畀佢玩死」、「吓！發燒唔休息，仲周圍走」、「你發緊燒都仲要帶住病毒入電台，一係就歌手黐線，一係就經理人都黐線」、「都幾奇怪，病為何不休息？儘管是普通感冒都會傳染人」、「其實疫情期間都做開電話live訪問㗎啦，好心發燒就唔好上去」；都有唔少網民認為主持人唔需要道歉，佢哋嘅自我保護反應都係人之常情：「好鍾意瓜皮（梁嘉琪）嘅真性情」、「梁嘉琪個反應好真，好有效果」。