邵卓堯演奸角駕輕就熟望加深層次 離婚後跟前妻女兒保持良好關係

TVB「御用壞人」邵卓堯，多數飾演小偷、劫匪、強姦犯等角色，可謂「壞蛋擔當」。入行41年的他，壞人形象深入民心。他入行之初做過電影男主角，可惜未能令他平步青雲。為了生活，曾經離開娛樂圈轉行做保險、地產經紀等工作。

邵卓堯事業上未有大成就，安份守己地工作，默默地在大大小小劇集內演好綠葉一角，只求換取滿足感，過足戲癮。就算在街上被看劇太投入的觀眾、劇迷鬧「衰人」，他仍然想挑戰難度，做到真正的「奸到出汁」，挑戰更深層次的奸角演繹。

{{hket:inline-image name="0001-31.JPG"}}{{/hket:inline-image}}

{{hket:inline-image name="01.PNG"}}{{/hket:inline-image}}

{{hket:inline-image name="258.png"}}{{/hket:inline-image}}

要是認得邵卓堯，讀者可能會吐口而出︰「哦！嗰個衰人！」他演過的百套劇集中，大部分飾演奸人角色、壞蛋。近年較有印象的有TVB《刑警》殘障露宿殺手、《天梯》與《神鎗狙擊》的強姦犯、《白色強人II》的釘槍劫匪。

他於1982年投考邵氏演員訓練班，迅速在一年後有機會擔正做男主角，拍了一套中國投資的尋寶電影《小毛孩奪寶奇緣》。順風順水這回事，風山水起的際遇，確實不是想要便會擁有，他沒能因而走紅得到更高知名度，他說︰「呢齣戲喺香港反應唔太理想，拍完之後冇乜工作做...之後直頭轉行做保險經紀，又覺得呢一行唔係好適合自己，要主動同人哋傾偈，又要不斷識新朋友，唔係我性格。我做過地產經紀，人哋需要搵屋就嚟搵你，經過1989年民運，當時所有樓宇按揭都停晒，好難做落去。」他在1987年參加由亞視舉辦的《第二屆電視先生選舉》，最後晉身15強進入決賽，也都未能獲取任何獎項，當年冠軍則是歐陽耀麟。

【十二傳說】邵卓堯為養家兼職揸的士 TVB綠葉入行36年竟然勁到做過...【下一頁】

{{hket:inline-image name="670a7bc4gy1fhzwqj8zt7j20m80gotbq.jpg"}}{{/hket:inline-image}}

{{hket:inline-image name="55555.png"}}{{/hket:inline-image}}

輾輾轉轉，等到機會，邵卓堯又去投考TVB武術藝員訓練班，直至完約，公司也主動提出跟他改簽演員合約至今。做演員期間，結婚生兒育女，為了讓女兒生活安穩，他空餘時間還揸的士。漫漫長路未有令邵卓堯灰心，「19歲入行，拍完第一套電影都已經22歲。當年做一線，好早成名。好似劉德華24歲嗰陣，已經唔續約（TVB）向外闖。我當時差唔多25歲，感覺上黃金機會已過，倒不如收拾心情，安份守己做個演員，希望有機會做多啲戲。」

{{hket:inline-image name="0001-3.JPG"}}{{/hket:inline-image}}

{{hket:inline-image name="222222.png"}}{{/hket:inline-image}}

{{hket:inline-image name="011010.jpeg"}}{{/hket:inline-image}}

七公主X智能愛人｜戴耀明連續兩套劇被打到變豬頭 一日五套劇做勻警察保安古惑佬【下一頁】

做奸人的「熱誠」讓邵卓堯殺出一條血路，在《大頭綠衣鬥殭屍》（1993年播出）的角色令觀眾感受深刻，「算係最辛苦嘅角色，當時喺廠景製作咗一個沼澤嚟拍，圍咗一個坑，用水加木糠、油漆，攪泮成漿。我成個人浸落去，當時只得大約十度，啲水凍到我震，我瞓落去再起身，仲要做個惡樣。吸一口氣，油漆、木糠滲入鼻，油漆味很難受。呢個人物令好多觀眾記得，尤其國內，好多人都知我就係嗰位殭屍叔叔寶大人，仲話令佢哋有童年陰影。」

{{hket:inline-image name="00.jpg"}}{{/hket:inline-image}}

{{hket:inline-image name="6_s7xm9n6QZ9_W42VGQNgmjjMZ5aHijCFymQGBcpkBg.jpeg"}}{{/hket:inline-image}}

{{hket:inline-image name="111111.png"}}{{/hket:inline-image}}

他不止一次在劇集內做強姦犯，記得第一次做這角色，令他尷尬，「第一次拍呢類戲係同姚嘉妮，我有啲驚，事前同佢溝通我一陣會點做，反而佢叫我隨便做就得喇！第二次就同陳茵媺，要成個人擒喺佢上面，拍嘅時候大家好投入，反而唔會太尷尬。不過劇集播出後，喺街真係有女仔指住我，嗌『衰人！噚晚強姦咗陳茵媺，個樣好衰呀！』自己反而覺得成功喎，如果冇人鬧你，就要檢討一下。雖然好多人話我演得好，其實我覺得未夠，有進步的空間。我有好多角色都做過，但唔夠深入，只係做表面。最近李成昌強姦個女仔（《美麗戰場》反骨琪／蔣家旻 飾），嗰種嬉皮笑臉，由內心滲出嚟嘅奸，我好想挑戰一下。」但這機會未知幾時有，邵卓堯發現，自己58歲了，公司所安排的角色人物亦見「從良」，「默默耕耘啦！做個好鄰居、好爸爸角色。」

現實生活中，邵卓堯都是一個好爸爸，女兒很懂事，分辨到熒光幕上這副熟悉的面孔，只是在演戲，他說︰「阿女好細個就知道我嘅職業，會童言無忌笑我又做壞人？我成日同佢玩，當然知我唔係壞人。」他與太太早年離婚，肩負起養育她們的責任，與母女二人感情甚好，經常見面。

他仍然是單身寡佬，「阿女從小就跟媽媽長大，細個嗰陣，每星期基本上有三、四晚見面。大個之後，都會經常見面食飯，會傾吓心事，佢仲會反過嚟關心我，『開工辛唔辛苦吵爸爸』。」知足常樂的處世之道，令他活得自在。

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

撰文：王連連

攝影：陳健珊、林君茹

場地提供：The AIR（The ONE）