準人夫馬國明𢲷撈拍廣告 自薦與唐詩詠、湯洛雯組不同CP

馬國明（馬明）主演的劇集《隱形戰隊》和《法言人》同期播出，近日頻頻出席宣傳活動，他笑言十分羨慕「脫無者」唐詩詠，以自由身接工作搵真銀。馬明坦言恨與未婚妻湯洛雯夫妻檔上陣吸金，對不同品牌、類型的廣告都無任歡迎，為搵將來奶粉錢出齊口術。

同場加映：林子善獲黃子華教路喊出未來 淚謝伯樂扶持：劉佩玥係我幸運星

{{hket:ul-video id="7952"}}{{/hket:ul-video}}

{{hket:inline-image name="IMG_0552.jpg"}}{{/hket:inline-image}}

《隱形戰隊》播出以來收視不俗，劇集進入結局周，昨日馬國明、唐詩詠、陳山聰和劉穎鏇（ Tiffany ）等繼續為劇集造勢。詩詠雖然已離巢，仍落力宣傳，問到以契兄妹相稱的馬明可有機會再合作？馬明肯定地表示︰「一定有機會，阿佘（佘詩曼）都返嚟拍劇啦。」詩詠則稱要看緣份，她坦言十分享受目前自由身，雖然要親自接洽工作，但感恩工作不斷，「嚟緊都有啲廣告會拍，希望越嚟越多啦。（自己傾價會唔會尷尬？）大家都好鍚我，都開個好價畀我。」馬明聽罷大表羨慕，更自嘲只是公司一名小員工，無權去選擇工作，他即搞笑稱與詩詠，可以兄妹檔甚至父女檔接廣告。馬明笑謂︰「最緊要有廣告拍，（同湯洛雯合體拍廣告？）未試過，不過有接洽中，（想拍甚麽類型廣告？）無所謂。（拍奶粉、尿片廣告？）咁快？不過無任歡迎。」

{{hket:inline-image name="IMG_0543.jpg"}}{{/hket:inline-image}}

{{hket:inline-image name="IMG_0541.jpg"}}{{/hket:inline-image}}

另外，外界對陳山聰和劉穎鏇（Tiffany）這對CP十分受落，山聰笑對方在劇中的背心造型最深入民心，「好多賣背心嘅地方，都用Tiffany嘅cap圖吸客，佢帶起潮流呀！我勸佢順勢推出自家品牌背心。」Tiffany笑言考慮一下，並邀請山聰為她設計一系列背心。此外，她拒絕透露下場是否要死，山聰指要賣關子，但就劇透將與馬明、陳展鵬有一場激裂打戲，請觀眾密切留意。

{{hket:inline-image name="IMG_0550.jpg"}}{{/hket:inline-image}}

陳山聰和Tiffany在劇中的情侶檔令觀眾都留下深刻印象，山聰亦表示好開心其他角色都「爆」出來，笑言：「尤其Tiffany嘅背心形象，趁着夏天推出一系列『刑風』背心。女仔一定會着背心㗎！」Tiffany笑言邀山聰為她設計一系列背心。提到劇集還有一場對打戲相當精彩，就是山聰、馬國明聯手打陳展鵬，由三位視帝對打，觀眾十分期待。

採訪：黃寶蓮